موسم کی خرابی اور تیز بارش کے باعث کراچی ایئر پورٹ پر فلائٹ آپریشن زیادہ متاثر ہوا جس کے سبب 15 پروازیں تاخیر کا شکار ہوئیں۔
اے آر وائی نیوز کے مطابق کراچی میں شام کے وقت موسلادھار بارش سے فلائٹ آپریشن شدید متاثر ہوا کراچی ایئرپورٹ سے جانے والی 15 پروازیں تاخیر کا شکار جبکہ ایک پرواز منسوخ ہوئی۔
کراچی سے شام7بجےلاہور جانے والی قومی ایئرلائن کی ایک پرواز منسوخ کی گئی اور کراچی سے دبئی جانے والی نجی ایئرلائن کی پرواز15 منٹ تاخیرسے شام 4بج کرمنٹ پر روانہ ہوئی۔
کراچی سے اسلام آباد کی نجی ایئرلائن کی پرواز 20 منٹ تاخیرسے شام 6 بجے روانہ ہوئی جبکہ پی آئی اے کی کراچی سے دبئی کی پرواز 10 منٹ تاخیرشام پونےبجے روانہ ہوئی۔
اس کے علاوہ نجی ایئرلائن کی کراچی سے شارجہ کی پرواز آدھا گھنٹہ تاخیر سے شام 6 بجے روانہ ہوئی اور نجی ایئرلائن کی کراچی سے اسلام آباد کی پرواز 15 منٹ تاخیر سے روانہ ہوئی۔
مزید پڑھیں : کراچی میں موسلادھار بارش، سڑکوں پر پانی جمع، ٹریفک متاثر
واضح رہے کہ کراچی کے مختلف علاقوں میں موسلادھار بارش کے بعد جل تھل ہوگیا، شہر کی بیشتر سڑکوں پر برسات کا پانی جمع ہوگیا۔
شہر میں ہفتے کو ہونے والے بارش کے بعد کراچی کے لیے پھر سے وہی پرانی کہانی سامنے آئی ہے، بارش کے بعد ہر طرف سڑکوں پر پانی ہی پانی نظر آرہا ہے، مرکزی اور دیگر شاہراہوں پر پانی جمع ہونے کے باعث کئی سڑکوں پر ٹریفک بھی متاثر ہورہی ہے۔
