ہفتہ, مئی 25, 2024
اشتہار

عید پر موسم کیسا رہے گا؟ محکمہ موسمیات کی اہم پیشگوئی

اشتہار

حیرت انگیز

کراچی: محکمہ موسمیات نے 9 سے 10 اپریل تک شہر کا درجہ حرارت بڑھنے کی پیشگوئی کردی اور پارہ 39 ڈگری سینٹی گریڈ تک جانے کا امکان ظاہر کردیا۔

محکمہ موسمیات کے مطابق نو سے 10 اپریل تک کراچی میں درجہ حرارت بڑھنے کا امکان ہے جبکہ بالائی، وسطی اضلاع میں دن میں موسم گرم رہے گا اور پارہ 38 سے 39 ڈگری سینٹی گریڈ تک جانے کا امکان ہے۔

محکمہ موسمیات نے بتایا کہ زیریں اضلاع میں درجہ حرارت 36 سے 38 ڈگری سینٹی گریڈ تک جا سکتا ہے جبکہ آج بھی شہر کا موسم دن بھر گرم رہے گا، آج درجہ حرارت 34 سے 36 ڈگری سینٹی گریڈ تک جانے کا امکان ہے۔

- Advertisement -

محکمہ موسمیات نے بتایا کہ شہر میں کم سے کم درجہ حرارت 23 ڈگری سینٹی گریڈ ریکارڈ کیا گیا،جبکہ ہوا میں نمی کا تناسب 80 فیصد ہے شہر میں مغربی سمت سے ہلکی رفتار سے ہوائیں چل رہی ہیں۔

دوسری جانب ائیر کوالٹی انڈیکس میں دنیا کے آلودہ ترین شہروں میں کراچی آج 12ویں نمبر پر ہے، شہر کا فضائی معیار بدستور خراب ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں