کراچی: ملک کے بیش تر میدانی علاقوں میں آج موسم گرم اور مر طوب رہے گا، جب کہ شمال مشرقی پنجاب میں چند مقامات پر تیز ہواؤں اور گرج چمک کے ساتھ بارش کی توقع ہے۔
محکمہ موسمیات کے مطابق اسلام آباد میں آج مطلع جزوی ابر آلود رہے گا، خیبر پختون خوا اور صوبہ پنجاب کے بیش تر اضلاع میں موسم گرم اور مرطوب رہے گا، جب کہ لاہور، سیالکوٹ اور نارووال میں بعض مقامات پر گرج چمک کے ساتھ بارش کا امکان ہے۔
کوئٹہ سمیت بلوچستان اور سندھ کے بیش تر اضلاع میں بھی موسم گرم اور مرطوب رہے گا، محکمہ موسمیات کے مطابق کشمیر اور گلگت بلتستان میں موسم خشک رہے گا۔
- Advertisement -
آج کوئٹہ میں کم سے کم درجہ حرارت 17 ڈگری سینٹی گریڈ ریکارڈ کیا گیا، آج دن میں درجہ حرارت 35 ڈگری سینٹی گریڈ تک جانے کا امکان ہے۔
