کراچی: صوبہ سندھ کے دارالحکومت سندھ میں آج موسم گرم اور مطلع صاف رہے گا، درجہ حرارت زیادہ سے زیادہ 35 ڈگری رہنے کا امکان ہے۔
تفصیلات کے مطابق شہر قائد میں آج بھی موسم گرم اور مرطوب رہے گا ، شہرکا زیادہ سے زیادہ درجہ حرارت 33 سے 35 ڈگری تک جانے کا امکان ہے۔
محکمہ موسمیات کا کہنا ہے کہ کراچی کا موجودہ درجہ حرارت 29 ڈگری سینٹی گریڈ، ہوا کی رفتار 6 کلو میٹر فی گھنٹہ ہے۔
محکمہ موسمیات کے مطابق گزشتہ روز کراچی میں کم سے کم درجہ حرارت 24.5 ڈگری سینٹی گریڈ جبکہ ہوا میں نمی کا تناسب 63 فیصد ریکارڈ کیا گیا تھا۔
محکمہ موسمیات کا کہنا ہے کہ ملک کے اکثر علاقوں میں موسم خشک جبکہ شمالی علاقہ جات میں موسم سرد اور خشک رہنے کا امکان ہے تاہم بالائی خیبرپختونخواہ اور گلگت بلتستان کے اضلاع میں چند مقامات پر گرج چمک کے ساتھ بارش کا امکان ہے۔
دوسری جانب کوئٹہ سمیت بلوچستان کے اکثر علاقوں میں موسم خشک ہے جبکہ صوبے کے شمال مغربی اضلاع میں چند مقامات پر بارش کا امکان ہے۔
