کراچی : اندرون سندھ کے مختلف شہروں اور کراچی کے مختلف علاقوں میں بوندا باندی کا سلسلہ جاری ہے، بوندا باندی سے سردی میں اضافہ ہوگیا جبکہ ملک کے بیشتر علاقوں میں موسم سرد اور خشک رہے گا۔
تفصیلات کے مطابق کراچی کے مختلف علاقوں میں بوندا باندی کا سلسلہ جاری ہے، ملک کے بیشتر علاقوں میں موسم سرد اور خشک رہے گا۔
اس حوالے سے محکمہ موسمیات کا کہنا ہے کہ کراچی سمیت مکران ڈویژن، تربت اور دادو میں بونداباندی کا سلسلہ جاری ہے، بوندا باندی سے سردی میں مزید اضافہ ہوگیا ہے۔
مری، نتھیا گلی، دیر، چترال، چلاس، سوات، گلگت، کاغان اورمظفرآباد میں برفباری کی پیشگوئی ہے، پنجاب کےمیدانی علاقوں اور بالائی سندھ میں صبح کےاوقات میں دھند پڑنے کا امکان ہے۔
گزشتہ روز سب سے کم درجہ حرارت اسکردو میں منفی سولہ ڈگری سینٹی گریڈریکارڈ کیا گیا۔ یاد رہے کہ گزشتہ رات بھی کراچی کے مختلف علاقوں میں تیز بارش ہوئی، جس کے سبب سڑکوں پر جگہ جگہ بارش کا پانی کھڑا ہوگیا تھا۔
