محکمہ موسمیات کا کہنا ہے کہ شہر قائد میں آج گرج چمک کیساتھ بارش کاامکان ہے، کم سے کم درجہ حرارت 16 ڈگری سینٹی گریڈ ریکارڈ کیا گیا ہے۔
اے آر وائی نیوز کے مطابق محکمہ موسمیات کا کہنا ہے کہ شہر کا موجودہ درجہ حرارت 18 ڈگری سینٹی گریڈ ہے، زیادہ سے زیادہ درجہ حرارت 26 سے 28 ڈگری تک جانے کا امکان ہے۔
محکمہ موسمیات کے مطابق کراچی میں 8 کلو میٹر فی گھنٹہ کی رفتار سے ہوائیں چل رہی ہیں، ہوا میں نمی کاتناسب 54 فیصد ہے۔
- Advertisement -
دوسری جانب چمن شہر اور گردو نواح میں دوسرے روز بھی بارش کے باعث سردی میں اضافہ ہوگیا ہے۔ توبہ اچکزئی، خواجہ عمران میں برف باری کے باعث بجلی کی فراہمی معطل ہوگئی ہے۔
ملک کے مختلف علاقوں میں بارش اور برفباری کی پیشگوئی
کوزک ٹاپ سمیت کئی علاقوں میں ژالہ باری کی اطلاعات ہیں، جبکہ قلعہ عبداللہ، گلستان اورجنگل پیر علی زئی میں بارش سے نشیبی علاقے زیر آب آگئے ہیں۔
