ممبئی: بھارتی فلم پروڈیوسر امیت جانی نے بدنام زمانہ گینگسٹر لارنس بشنوئی کی زندگی پر مبنی ویب سیریز بنانے کا اعلان کر دیا۔
انڈیا ٹوڈے کی رپورٹ کے مطابق فلمساز امیت جانی نے ویب سیریز کا نام لارنس – اے گینگسٹر اسٹوری رکھنے کا فیصلہ کیا ہے۔ سیریز کو انڈین موشن پکچرز ایسوسی ایشن کی طرف سے منظوری مل گئی جبکہ فائر فاکس فلم پروڈکشن کے بینر تلے ریلیز کیا جائے گا۔
امیت جانی دیوالی کے بعد ویب سیریز کی کاسٹ کے ناموں سمیت مزید معلومات شیئر کرنے کا ارادہ رکھتے ہیں جبکہ تہوار ختم ہونے کے بعد اس کا پہلا پوسٹر جاری کیا جائے گا۔
یاد رہے کہ امیت جانی کا پروڈکن ہاؤس فائر فاکس راجستھان کے ادے پور میں درزی کنہیا لال ساہو کے قتل پر مبنی ’اے ٹیلر مرڈر اسٹوری‘ پر بھی کام کر رہا ہے۔
لارنس بشنوئی اس وقت پنجاب کی سابرمتی سینٹرل جیل میں قید ہیں جنہوں نے کالے ہرن کا شکار کرنے پر بالی وڈ سُر اسٹار سلمان خان متعدد بار قتل کی دھمکیاں دیں۔
حال ہی میں لارنس بشنوئی گینگ نے سلمان خان کے قریبی دوست و نامور سیاستدان بابا صدیقی کو 12 اکتوبر کو ممبئی میں گولیاں مار کر قتل کیا۔
آج ایک بار پھر گینگ کی طرف سے سلمان خان کو دھمکی موصول ہوئی ہے۔
گینگ کی جانب سے ممبئی ٹریفک پولیس کو ایک پیغام ملا جس میں سُپر اسٹار سے جھگڑا ختم کرنے کیلیے 5 کروڑ (بھارتی روپے) کا مطالبہ کیا گیا۔
یاد رہے کہ بابا صدیقی کے قتل کے بعد سلمان خان نے آج 60 سکیورٹی اہلکاروں کی موجودگی میں بگ باس 18 ’ویک اینڈ کا وار‘ ایپی سوڈز کی شوٹنگ کی ہے۔