کراچی: ملک کے اکثر بڑے شہروں میں آج مطلع صاف رہے گا۔
تفصیلات کے مطابق محکمہ موسمیات کا کہنا ہے کہ آج بدھ 8 فروری کو اسلام آباد، مری، اور مظفر آباد میں بادل جب کہ کراچی، لاہور اور پشاور میں مطلع صاف اور موسم خشک رہے گا۔
موسمیات کی پیش گوئی کے مطابق ملک کے بالائی علاقوں میں مطلع ابر آلود رہے گا، گلگت بلتستان، خیبر پختون خوا اور بلوچستان کے پہاڑی علاقوں میں ہلکی بارش اور برف باری کا امکان ہے۔
- Advertisement -
واضح رہے کہ صوبہ سندھ اور پنجاب میں سردی کا زور ٹوٹ گیا ہے، جب کہ بلوچستان اور کے پی میں بھی سردی میں کمی آ چکی ہے۔
