ویسٹ انڈیز کے جارح مزاج بیٹسمین کرس گیل کے پاکستان آنے کے اعلان پر قومی کھلاڑی، مداح اور ہر شعبہ ہائے زندگی سے تعلق رکھنے والے زندہ دل پاکستانی مہمان پلیئر کا خیرمقدم کرنے کو تیار ہیں۔
کرس گیل نے ٹوئٹ میں لکھا کہ ’میں کل پاکستان جارہا ہوں، میرے ساتھ کون کون آرہا ہے؟‘
I’m going to Pakistan tomorrow, who coming with me? 😉🙌🏿
— Chris Gayle (@henrygayle) September 18, 2021
سوشل میڈیا صارفین کی جانب سے کرس گیل کو پاکستان آمد کے اعلان کے بعد خوش آمدید کہا جارہا ہے۔ ایک صارف نے لکھا کہ کرکٹ سے محبت کرنے والے ملک پاکستان میں آپ کو خوش آمدید کہتے ہیں۔
نوجوان گلوکار عاصم اظہر نے خوشی کا اظہار کرتے ہوئے ٹوئٹ میں لکھا کہ کرس گیل کو بریانی کھلائیں گے، موسیقی اور تحفظ سے بھرپوری مہمان نوازی کر کے دکھائیں گے۔
انہوں نے لکھا کہ کرس گیل! ہم آپ کو پاکستان میں خوش آمدید کہیں گے۔
welcome @henrygayle!!! Let us treat you with some good biryani, amazing music & safety like no other 🇵🇰♥️🇯🇲 https://t.co/qk7C1Jcu6k
— Asim Azhar (@AsimAzharr) September 18, 2021
واضح رہے کہ کرس گیل کا ٹویٹ ایسے وقت میں سامنے آیا ہے جب نیوزی لینڈ کرکٹ ٹیم پاکستان کا دورہ منسوخ کرکے یو اے ای کے لیے روانہ ہوچکی ہے۔
یاد رہےکہ گزشتہ روز راولپنڈی اسٹیڈیم میں پہلا ایک روزہ میچ شروع ہونے سے کچھ دیر قبل نیوزی لینڈ کرکٹ ٹیم نے سیکیورٹی خدشات کو جواز بناکر پاکستان کا دورہ اچانک ختم کرنے کا اعلان کیا تھا۔
نیوزی لینڈ کرکٹ بورڈ کے اس اعلان کے بعد دونوں ٹیموں کے درمیان سیریز ملتوی کردی گئی تھی۔
