انٹرنیٹ پر ایک ویڈیو وائرل ہے جس میں ایک چوہے کو دکھایا گیا ہے جو ہر رات چپکے سے اپنے بل سے نکل کر برطانوی شخص کی میز کی صفائی کرتا ہے، اور اس کی بکھری اشیا کو سلیقے سے سمیٹتا ہے۔
یہ ویڈیو ویلز کے 75 سالہ وائلڈ لائف فوٹوگرافر روڈنی ہالبروک نے نائٹ ویژن کیمرے کی مدد سے بنائی ہے، جس میں چوہے کی نفاست نے انسانوں کو بھی چونکا دیا ہے، کیا کوئی ایسا سوچ سکتا ہے کہ گھروں میں تباہی مچانے والا کوئی چوہا انسانوں کی بکھری ہوئی اشیا سمیٹ کر سلیقے سے رکھ سکتا ہے۔
دراصل ایک دن ہالبروک کو اچانک شک ہوا کہ جب صبح وہ اٹھتا ہے تو رات کو میز پر بکھری اشیا وہاں نہیں ہوتیں بلکہ سلیقے سے اپنی جگہ پہنچ چکی ہوتی ہیں۔ وہ بہت حیران ہوا، اس راز کو جاننے کے لیے اس نے وہاں ایک نائٹ ویژن کیمرہ نصب کر دیا، اگلے دن جس کی ریکارڈنگ دیکھ کر وہ دنگ رہ گیا۔
A mouse has been filmed secretly tidying up a man’s shed almost every night for two months.
Wildlife photographer Rodney Holbrook noticed that objects he left out of place were being mysteriously put back where they belonged overnight.
Read the story: https://t.co/A1QPgwiONF pic.twitter.com/khutXwttvo
— Guardian Australia (@GuardianAus) January 8, 2024
ویڈیو میں دیکھا جا سکتا ہے کہ چوہا میز پر بکھری اشیا کو ایک ایک کر کے اٹھاتا ہے اور ٹرے میں رکھتا جاتا ہے، ہالبروک کے مطابق یہ چوہا تقریباً 2 ماہ سے ہر رات اسی طرح بکھرا سامان سمیٹ رہا ہے، اور وہ اسے اب ’ویلز کا صفائی والا چوہا‘ کہتا ہے۔
ہالبروک نے کہا کہ پہلے تو وہ بہت حیران ہوئے اور پھر انھیں مزا آیا کہ اب انھیں کوئی فکر نہیں کرنی پڑے گی، اور بکھری چیزیں چوہا سمیٹ لیا کرے گا۔ ہالبروک کے مطابق 100 میں سے 99 بار چوہا رات کو ضرور ایسا کرتا ہے۔
یونیورسٹی آف برسٹل کی ڈاکٹر میگن جیکسن نے جب اس چوہے کے اس ’کام کے جذبے‘ کو دیکھا تو حیران رہ گئیں، اور کہا کہ یہ غیر معمولی ہے، اس کی کوئی وجہ سمجھ نہیں آ رہی ہے، سوائے اس کے کہ یہ چوہے کا کوئی باطنی جذبہ ہے، جس کے تحت وہ بکھری چیزیں ایک جگہ جمع کر کے اچھا محسوس کرتا ہوگا۔
