اتوار, فروری 9, 2025
اشتہار

ویسٹ انڈیزویمنز نے آسٹریلیا کوشکست دیکر ویمنز ورلڈ ٹی ٹوئنٹی جیت لیا

اشتہار

حیرت انگیز

کولکتہ: ویمن ورلڈ ٹی ٹوئنٹی میں ویسٹ انڈیز کی ویمن ٹیم نے آسٹریلیا کو آٹھ وکٹوں شکست دے کر ویمن ٹی ٹوئنٹی ورلڈ کپ جیت لیا ہے۔

کولکتہ کے ایڈن گارڈنز میں کھیلے جانے والے میچ میں آسٹریلین ویمن ٹیم نے پہلے بیٹنگ کرتے ہوئے مقررہ بیس اوورز میں پانچ وکٹوں کے نقصان پر 148رنز بنائے تھے ، آسٹریلیا کی طرف سے ولانی اور کپتان لاننگ نے 52،52 رنز بنائے تھے جبکہ پیری 28 رنز بنا کر نمایاں بلے باز رہیں۔

ہدف کے تعقب میں ویسٹ انڈیز کی طرف سے میتھیوز نے 66 ، ٹیلر نے 59 اور ڈوٹن نے 18 رنز بنائے،ویسٹ انڈیز ویمن ٹیم نے انیسویں اوورز میں دو وکٹوں کے نقصان پر حاصل کرلیا۔ ویسٹ انڈیز کی ویمن ٹیم نے پہلی دفعہ ٹی ٹو ئنٹی ورلڈ کپ کا ٹائٹل اپنے نام کیا ہے۔

دوسری طرف ویسٹ انڈیز کی قومی ٹیم بھی ورلڈ ٹی ٹو ئنٹی کے فائنل میں پہنچ چکی ہے اور اسی گراونڈ میں پاکستانی وقت کے مطابق شام ساڑھے 6 بجے انگلینڈ کے خلاف میدان میں اترے گی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں