ویسٹ انڈیز ویمنز نے پاکستان کو پہلے ٹی 20 میچ میں ایک رن سے شکست دے دی۔
کراچی کے نیشنل اسٹیڈیم میں کھیلے گئے میچ میں ویسٹ انڈیز کی جانب سے دیے گئے 123 رنز کے تعاقب میں پاکستان ویمنز ٹیم آٹھ وکٹوں کے نقصان پر 121 رنز بناسکی۔
ندا ڈار 27 اور سدرہ امین 23 رنز بنا کر نمایاں رہیں، منیبہ علی 18 رنز بناسکیں۔
View this post on Instagram
ویسٹ انڈیز کی جانب سے اسپنر کرشمہ نے چار کھلاڑیوں کو پویلین کی راہ دکھائی۔
اس سے قبل ویسٹ انڈیز ویمنز نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 122 رنز بنائے تھے۔
View this post on Instagram
جوزف 34 رنز بنا کر نمایاں رہی تھیں جبکہ ٹیلرز نے 30 رنز کی اننگز کھیلی تھی۔ پاکستان کی جانب سے فاطمہ ثنا نے تین وکٹیں حاصل کی تھیں۔
واضح رہے کہ ون ڈے سیریز میں بھی ویسٹ انڈیز ویمنز نے گرین شرٹس کو 3-0 سے شکست دی تھی۔
