واشنگٹن: امریکی ریاست ورجینیا میں نازی سیلوٹ کرنے والے 30 کیڈٹس کو نوکری سے برخاست کر دیا گیا، نوکری سے نکالے جانے والے کیڈٹس کے نام نہیں بتائے گئے۔
تفصیلات کے مطابق امریکی ریاست ورجینیا میں 30 کیڈٹس کو اس وقت نوکری سے نکال دیا گیاجب ایک تصویر سامنے آئی جس میں وہ نازی سلیوٹ کرتے نظر آ رہے تھے۔
ورجینیا کے گورنر جم جسٹس نے کہا کہ میں بیسک ٹریننگ کلاس 18 کی سامنے آنے والی اس تصویر کی شدید الفاظ میں مذمت کرتا ہوں۔ کیڈٹس کی تصویر 27 نومبر کو ان کی گریجویشن کی تقریب کے دوران لی گئی تھی۔
جم جسٹس کا کہنا تھا کہ تصویر میں موجود کیڈٹس کے علاوہ 2 دیگر افراد کو پہلے ہی برخاست کر دیا گیا تھا جن میں سے ایک ٹرینر اور ایک کیڈٹ تھا۔ ورجینیا کے گورنر کا کہنا تھا کہ حکومت کی کسی ایجنسی میں اس طرح کا رویہ برداشت نہیں کیا جائے گا۔
ورجینیا کے فوجی امور اور پبلک سیفٹی کے دیپارٹمنٹ کا کہنا ہے کہ تصویر پر لکھی ہوئی تحریر کلاس کی لیڈر کیسی بئرڈ کی طرف اشارہ کرتی ہے۔
فوجی امور اور پبلک سیفٹی کے دیپارٹمنٹ کی رپورٹ میں بتایا گیا کہ بئرڈ نے کہا اس تصویر میں کچھ غلط نہیں ہے۔ انہوں نے اس حوالے سے بتایا کہ ایسا اس لیے کیا کہ میں ہٹلر کی طرح سخت ہوں۔
