The news is by your side.

Advertisement

فیکٹری میں آلودگی سے میموری چپس کی پیداوار متاثر

ٹوکیو: ویسٹرن ڈیجیٹل کمپنی کے فیلس میموری بنانے والی دو جاپانی کمپنیوں نے اعتراف کیا ہے کہ انتہائی حساس کارخانے میں بعض آلودگیوں سے میموری کی پیداوار متاثر ہوئی ہے اور بعض میموری چپس خراب بھی ہوگئی ہیں۔

بین الاقوامی میڈیا رپورٹ کے مطابق ویسٹرن یونین نے اپنے ایک بیان میں کہا ہے کہ جاپان میں اس کے دو پیداواری یونٹ کسی طرح کی آلودگی سے متاثر ہوئے ہیں جس سے پیداوار روک دی گئی ہے۔

اس نجی کمپنی کا نام کائیوکسیا ہولڈنگز ہے جو دنیا بھر میں مشہور فلیش میموری بنانے والی بڑی کمپنی ویسٹرن یونین کے لیے سالڈ اسٹیٹ فلیش میموری یا یو ایس بی میموری بناتی ہے۔

جاپانی کمپنی کے مطابق کم از کم 6.5 ایگزا بائٹ فلیش اسٹوریج کی پیداوار پر فرق پڑا ہے اور کئی فلیش میموری خراب ہوچکی ہیں۔ واضح رہے کہ ایک ایگزا بائٹ ایک ارب گیگا بائٹس کے برابر اسٹوریج یا میموری ہوتی ہے۔

اس سے مجموعی طور پر 7 ارب گیگا بائٹس میموری کا نقصان ہوا ہے۔

اس کے بعد ویسٹرن یونین کے اعلیٰ عہدیداروں نے ہنگامی بنیادوں پر جاپانی کمپنیوں سے رابطہ کیا ہے اور اس مسئلے کو حل کرنے کے لیے بھرپور کوشش کی جاری ہیں۔

واضح رہے کہ برقیات میں مائیکروچپ، پروسیسر اور میموری اسٹک انتہائی صاف ستھرے ماحول میں تیار کی جاتی ہیں۔ کہا جاتا ہے کہ ان کا اندرونی کارخانہ ایک جدید اسپتال کے آپریشن تھیٹر سے بھی 10 گنا زائد صاف اور گرد و غبار سے پاک ہوتا ہے۔

یہی وجہ ہے کہ ان کی تیاری میں ریت کا معمولی سا ذرہ بھی پروسیسر اور میموری کو تباہ کرسکتا ہے۔

Comments

یہ بھی پڑھیں