اکثر اوقات انٹرنیٹ پر مختلف ویب سائٹس کھولتے ہوئے آپ کے سامنے کوکیز قبول کرنے کا آپشن دیا جاتا ہے، لیکن کیا آپ جانتے ہیں یہ کوکیز کیا ہوتی ہیں اور کس مقصد کے لیے استعمال ہوتی ہیں۔
کوکیز کمپیوٹر کی کچھ چھوٹی فائلیں ہیں جن میں ذاتی ڈیٹا ہوتا ہے، جس کا براہ راست اثر انٹرنیٹ براؤزنگ کے تجربے پر پڑتا ہے، ظاہر ہے کہ یہ وائرس نہیں ہیں اور ان کی موجودگی بالکل قانونی ہے۔
کوکیز ویب سائٹس کو سرفنگ کے دوران یا بعد میں صارفین کو ٹریک کرنے کی اجازت دیتی ہیں، اگر صارف کے پاس ان کے ٹی پی ایڈریس، آپریٹنگ سسٹم اور براؤزر ہو تو اس طرح سے جمع اور ذخیرہ شدہ ڈیٹا بنیادی طور پر صارف کا یوزر نیم ہوتا ہے۔
زیادہ تر معاملات میں، کوکیز صارف اور ان کی ترجیحات کو پہچاننے میں کارآمد ثابت ہو سکتیہیں، جو مثال کے طور پر ای کامرس سائٹس کے معاملے میں سفارشات کے لیے بھی مفید ہے۔
لیکن کچھ کوکیز زیادہ قابل اعتراض ہو سکتی ہیں، یہ فریق ثالث (تھرڈ پارٹی) کوکیز ہیں، جو اصل میں وزٹ کی گئی سائٹس اور خدمات سے باہر جنریٹ ہوئی ہیں۔ یہ بنیادی طور پر سوشل نیٹ ورکس اور ایڈورٹائزنگ ایجنسیوں کا دائرہ ہے۔
یہ کوکیز کسی انٹرنیٹ صارف کی براؤزنگ ہسٹری کے کچھ حصے کو مؤثر طریقے سے ٹریک کر سکتی ہیں اور اس وجہ سے وہ مستقبل میں جو بھی اشتہارات دیکھ سکتے ہیں اسے نشانہ بنانے میں مدد کرتی ہیں۔
کوکیز کے حوالے سے قانون
یورپی یونین اور کچھ امریکی ریاستوں میں، کسی بھی کوکی کو بنانے سے پہلے انٹرنیٹ صارفین کی رضا مندی ضروری ہے۔
یورپی یونین کے جنرل ڈیٹا پروٹیکشن ریگولیشن (GDPR) کا تقاضہ ہے کہ صارف معلومات جمع کرنے کی شرائط سے اتفاق کرے اور نئی ویب سائٹ پر جانے پر کوکیز کی تخلیق کو قبول یا انکار کرے۔
یہ بھی بتانا ضروری ہے کہ اس طرح کے ڈیٹا کو کب تک ذخیرہ کیا جائے گا۔
یہ صارفین کی اسکرینز پر ان کے ذاتی ڈیٹا کے استعمال (یا نہیں) سے متعلق اب ہر جگہ کی جانے والی درخواستوں کے ذریعے ظاہر ہوتا ہے، جو کہ ایک تکلیف دہ لیکن لازمی قدم ہے۔
ڈیلیٹ کیسے کریں؟
چاہے وہ بے ضرر ہوں یا بہت زیادہ دخل اندازی کرنے والی ہوں، عام طور پر کوکیز کو فوراً ڈیلیٹ کرنا بہتر ہے، زیادہ تر براؤزر اب آپ کو کوکیز کو فعال یا غیر فعال کرنے کے لیے ترتیبات کو تبدیل کرنے کی سہولت دیتے ہیں۔
وہ عام طور پر ہر سیشن کے اختتام پر کوکیز سمیت ذاتی ڈیٹا کو مکمل طور پر حذف کرنے کی تجویز بھی پپیش کرتے ہیں، جو اکثر آسان اور مؤثر انتخاب ہوتا ہے۔
نوٹ کریں کہ بہت ساری ایکسٹینشنز بھی آپ کو سوشل نیٹ ورکس کے ذریعے تیار کردہ تھرڈ پارٹی کوکیز کو بلاک کرنے کی اجازت دیتی ہیں۔
