گلوکار و اداکار علی ظفر کے چھوٹے بھائی دانیال ظفر نے علی ظفر کے پہلے کنسرٹ کی یاد تازہ کردی۔
علی ظفر نے اپنے چھوٹے بھائی دانیال ظفر کے پہلے کنسرٹ کی ایک ویڈیو فوٹو اینڈ شیئرنگ ایپ انسٹاگرام پر شیئر کی اور دانیال ظفر سے بے لوث محبت کا اظہار کیا۔
گلوکار و اداکار نے اپنے کیپشن میں کہا کہ انہیں دانیال کی پرفارمنس اور 15 ہزار سے زائد لوگ دیکھ کر اپنے پہلے کنسرٹ کی یاد تازہ ہوگئی۔
علی ظفر نے اپنے بھائی سے متعلق بتایا کہ ‘انہیں دانیال کے صلاحیتوں کا اندازہ اس وقت ہوا جب انہوں نے دانیال کو 12 برس کی عمر میں گٹار بجاتے اور گانے لکھتے دیکھا جو ان کے گانوں سے بہت مختلف تھے’۔
علی ظفر نے لکھا کہ’ وہ ان چیلنجز کو سمجھ سکتے ہیں جن سے دانیال کو گزرنا پڑا، لیکن چیلنجز زندگی میں آپ کو اپنی حقیقیت کو تلاش کرنے، آگے بڑھنے اور ایک بہتر انسان بننے میں مدد دیتےہیں‘۔