ایک پرانی ویڈیو میں ملکہ برطانیہ اپنے پوتے شہزادہ ولیم کو گھوڑا گاڑی سے بچانے کے دوڑ کر ان کے پاس آتی ہیں اور ہاتھ تھام لیتی ہیں۔
ماں کی شفقت اور محبت کی دنیا میں مثالیں دی جاتی ہیں اور یہ محاورہ تو بہت مشہور ہے کہ ’’اصل سے سود پیارا ہوتا ہے‘‘ جو حقیقتاْ دادا دادی اور نانا نانی کی اپنی اولاد کی اولاد سے محبت اور انسیت کے حوالے سے بولا جاتا ہے اور محبت کا یہ جذبہ کسی خاص طبقے سے موسوم نہیں ہے۔
سوشل میڈیا ویب سائٹ ٹوئٹر پر شہزادہ ولیم کے بچپن کی ایک پرانی اور دلچسپ ویڈیو شیئر کی گئی ہے جس میں ملکہ برطانیہ کو اپنے پوتے کے تحفظکے پریشان دیکھا گیا ہے
اس پرانی ویڈیو میں دیکھا جاسکتا ہے کہ کھلے مقام پر ہونے والی ایک تقریب کے دوران کمسن شہزادہ ولیم اپنی دادی سے کچھ آگے نکل جاتے ہیں اور آگے جانے والی شاہی گھوڑا گاڑی کے قریب آجاتے ہیں۔
Just found this on Instagram!
The Queen legging it after Prince William who was too close to the carriage.
Look how cool she is as she resets herself in the final second. From Grandma back to Queen 😂😂😂 ❤️❤️❤️ pic.twitter.com/WME00gKtzs— According2Taz (@according2_taz) February 17, 2022
ملکہ برطانیہ اپنے پوتے شہزادہ ولیم کو آگے بڑھتا دیکھ کر بے چین ہوجاتی ہیں اور اس خوف سے کہ کہیں ننھے شہزادے شاہی گھوڑی گاڑی سے نہ ٹکرا جائیں شہزادے کے تعاقب میں دوڑتی ہوئی آتی ہیں اور آکر اس کا ہاتھ تھام لیتی ہیں۔
یوٹیوبر ’’دادی‘‘ کا فرض نبھانے پر ملکہ سے بہت متاثر نظر آئیں اور انہوں نے اس منظر کو دیکھ کر دلچسپ تحریر لکھی کہ ’’دادی سے واپس ملکہ بنتے ہوئے‘‘۔
مذکورہ ویڈیو کو اب تک ہزاروں صارفین دیکھ چکے ہیں اور ملکہ برطانیہ کے ممتا سے لبریز اس جذبے کو کافی سراہ رہے ہیں۔
واضح رہے کہ ملکہ الزبتھ دوئم اپنے بیٹے شہزادہ اینڈریو اور شہزادہ چارلس کے تنازعات میں پھنسنے کے بعد ان دنوں کافی مشکل وقت گزار رہی ہیں۔
