لاہور: قومی کرکٹ ٹیم کے سابق فاسٹ بولر شعیب اختر نے سابق کپتان وسیم اکرم کی لیکڈ ویڈیو کی حمایت کرتے ہوئے کہا ہے کہ تبدیلی ضروری ہے۔
تفصیلات کے مطابق سماجی رابطے کی ویب سائٹ ٹوئٹر پر شعیب اختر نے وسیم اکرم کی ویڈیو شیئر کی اور ان کی حمایت کرتے ہوئے کہا کہ میں لیک ویڈیوز کی مخالفت کرتا ہوں تاہم وسیم اکرم نے اس ویڈیو میں جو بات کی، اس کی حمایت کرتا ہوں، تبدیلی ضروری ہے۔
شعیب اختر نے کہا کہ وسیم اکرم نے ہمیں نئی سوچ اور نیا طریقہ اپنانے کی طرف راغب کرایا۔ شعیب اختر نے وسیم اکرم کی کچھ باتوں پر لا علمی کا بھی اظہار کیا اور کہا کہ میں سمجھا نہیں، اس سے ان کی کیا مراد ہے؟۔
سابق کرکٹر وسیم اکرم کی ویڈیو سوشل میڈیا پر وائرل
واضح رہے گزشتہ روز سے سوشل میڈیا پر وسیم اکرم کی ایک ویڈیو زیر گردش تھی جس میں وہ ’رگڑا ‘ دینے کی بات کر رہے ہیں۔ وسیم اکرم کی لیک کی گئی ویڈیو میں سابق کپتان نے کسی شخص سے گفتگو کرتے ہوئے کہا کہ تبدیلی کے لیے طریقے اور سوچ بدلنی پڑتی ہے، آپ لوگ کچھ نیا بھی کریں، باتیں بڑی بڑی اور کارکردگی صفر؟
ویڈیو کے منظر عام پر آنے کے بعد سے ہی سوشل میڈیا صارفین کی جانب سے مثبت اور منفی تبصرے کیے جانے لگے، جبکہ ایک بڑا حلقہ کرکٹ کی خامیوں کو مدنظر رکھتے ہوئے وسیم اکرم کی حمایت کررہا ہے۔
