ماسکو: روس میں سیاحوں کے ہاتھوں بدترین تشدد کا نشانہ بننے والا شیر کا بچہ صحت یاب ہوگیا، جانور کے ساتھ بدسلوکی کا ملکی صدر ولادی میرپیوٹن نے نوٹس لیا تھا۔
غیرملکی خبررساں ادارے کی رپورٹ کے مطابق روس کے ساحلی پٹی میں شیر کا بچہ اپنی ماں سے بچھڑ گیا تھا جس کے بعد اطراف میں موجود سیاحوں نے گھیر لیا اور تصاویر بنانے کے لیے جانور کے پاؤں کی ہڈی توڑ دی تھی تاکہ وہ بھاگ نہ سکے۔ لیکن اب بچہ مکمل طور پر صحت یاب ہوچکا ہے۔
رپورٹ کے مطابق روس میں جانورں کے حقوق سے متعلق ادارے نے شیر کے بچے کی دیکھ بھال کی جس کے بعد وہ صحت یاب ہوگیا اور شیلٹر میں مستیاں کرتا اور دندناتا پھرتا ہے۔
شیلٹر کے عملے کا کہنا تھا کہ شیر کے بچے کو انسانوں نے شدید تکلیف پہنچائی، صرف تصاویر بنوانے کی خاطر ایک ننھے شیر کے پیر کی ہڈی توڑ دی گئی، بڑے مصائب کے بعد شیر کی صحت بحالی کی طرف گامزن ہوئی ہے۔
