جمعرات کی شام 7 بج کر کچھ منٹ پر امریکا نے افغانستان میں واقع ضلع ننگر ہار پر ایک بم MOABگرایا ہے جس کے بارے میں کہا گیا ہے کہ یہ بم دنیا کا سب سے بڑا اور طاقت ور ترین (غیر جوہری) بم ہے۔
یہ پڑھیں: امریکا نے افغانستان پر دنیا کا سب سے بڑا غیر جوہری بم گرا دیا
اس بم حملے کے نتیجے میں افغان حکام کے مطابق 36 جنگجو ہلاک ہوئے، دیگر نقصانات علیحدہ ہیں جس کی تفصیلی رپورٹ بعد میں سامنے آئے گی۔
ایم او اے بی سے متعلق تفصیلات:
یہ بم نان نیو کلیئر یعنی غیر جوہری بم ہے یعنی یہ ایٹم بم نہیں۔
اس کی لمبائی 30 فٹ اور چوڑائی 40 انچ ہے۔
اس کا وزن تقریباً 21ہزار پاؤنڈ (گیارہ ٹن یا 9500 کلوگرام)ہے۔
اس بم کا کیمیائی نام جی بی یو 43 بی Massive Ordnance Air Blast boom ہے جسے MOAB ایم او اے بی کہا جاتا ہے ۔
اس لفظ ایم او اے بھی کی وجہ سے امریکی فوج میں اسے ’’مدر آف آل بم ‘‘ یعنی تمام بموں کی ماں بھی کہا جاتا ہے کیوں کہ یہ تمام بموں میں سب سے بڑا، وزنی، دھماکے دار اور تباہی پھیلانے والا ہے۔
یہ امریکا کا اب تک کا سب سے بڑا غیر جوہری بم ہےاس سے اوپر ایٹمی بم ہیں۔
یہ بم 300 میٹر کے دائر ے میں ہر چیز کو مکمل تباہ کردیتا ہے، دھماکے کی لرزش اور گونج اور دیگر خصوصیات سے ہونے والے نقصانات علیحدہ ہیں۔
یہ بم امریکا کی جانب سے جاپان کے شہر ہیروشمیا پر گرائے گئے ایٹم بم سے زیادہ وزنی تھا لیکن وہ بم ایٹم اور یہ نان نیوکلیئر یا نان ایٹم بم تھا۔
اس بم کو اس سے قبل کبھی استعمال نہیں کیا گیا، اسے عراق جنگ سے قبل 2003ء میں تیار کیا گیا، اس کا کامیاب تجربہ کیا گیا تاہم امریکا نے اسے اب استعمال کیا۔
یہ بھی پڑھیں: امریکی بم حملے میں36داعش جنگجو ہلاک ہوئے،افغان حکام
امریکا کے اس بم کے جواب میں روس نے فادر آف آل بم بنایا ہے جو 44 ٹن تک وار ہیڈ ساتھ لے جانے کی صلاحیت رکھتا ہے اس لیے روس کا بم دنیا کا سب سے بڑا بم ہے۔
اس کی مزید تفصیلات کےلیے لنک پر کلک کریں۔
