لاہور: پاکستان کی تاریخ کا سب سے یادگار ٹیسٹ میچ کون سا تھا، پاکستان کرکٹ بورڈ (پی سی بی) نے شائقین کرکٹ کو فیصلہ ووٹ کے ذریعے کرنے کی آفر دے دی۔
تفصیلات کے مطابق آئی سی سی ٹیسٹ چیمپئن شپ کا افتتاح 29 جولائی سے کیا جارہا ہے، اس حوالے سے پی سی بی نے بھی ایک منفرد سلسلہ شروع کرنے کا فیصلہ کیا ہے اور گرین شرٹس کی تاریخ کے یادگار ٹیسٹ کا فیصلہ شائقین کرکٹ کے ووٹ کے ذریعے کیا جائے گا۔
ووٹ کا عمل آج صبح شروع کیا گیا ہے جو پیر 29 جولائی کی صبح 10 بجے تک جاری رہے گا، ووٹنگ کے لیے پاکستانی کی تاریخ کے بہترین ٹیسٹ میں سے 4 ٹیسٹ میچز کو پی سی بی کے مشتمل ایک پینل نے چنا ہے۔
بہترین چار ٹیسٹ منتخب کرنے والوں میں بینڈکٹ برماج، مظہر ارشد، ڈاکٹر نعمان نیاز، عثمان سمیع الدین اور قمر احمد شاہ ہیں۔
پی سی بی کی ووٹنگ میں پہلا ٹیسٹ 1954 میں پاکستان نے اپنے پہلے دورہ انگلینڈ میں ٹیسٹ میچ جیتنے والا پہلا ملک بنا، اوول میں فضل محمود نے 99 رنز کے عوض 12 کھلاڑیوں کو آؤٹ کیا، پاکستان نے 4 میچوں کی سیریز 1-1 سے برابر کی تھی۔
🚨🚨🚨 Poll Alert 🚨🚨🚨
What is Pakistan's greatest Test match to date?
VOTE NOW 🗳️
— Pakistan Cricket (@TheRealPCB) July 26, 2019
دوسرا ٹیسٹ جس میں 1987 پاکستان اور بھارت کے درمیان کھیلا گیا جس میں توصیف احمد اور اقبال قاسم نے اسپن جوڑی نے پاکستان کو بھارت سے پہلی ٹیسٹ سیریز جتوائی تھی، 4 ڈرا میچز کے بعد بنگلور میں پاکستان نے بھارت کو 16 رنز سے کست دی، دونوں اسپنر نے مشترکہ طور پر 18 کھلاڑیوں کو پویلین روانہ کیا۔
تیسرا ٹیسٹ وہ ہے جس میں 1994 میں جب کراچی میں آسٹریلیا 35 سال بعد پاکستان میں ٹیسٹ فتح کے قریب تھا لیکن انضمام الحق اور مشتاق احمد نے آخری وکٹ پر 57 رنز کی یادگار پارٹنر شپ قائم کی اور ٹیم کو فتح دلائی۔
آخری ووٹنگ آپشن میں 1999 کے میچ کو رکھا گیا جب پاکستان نے 12 سال بعد دورہ بھارت کے دوران میچ میں 12 رنز سے فتح سمیٹی تھی، شاہد آفریدی نے سنچری اور ثقلین مشتاق نے دس وکٹیں حاصل کی، سچن ٹنڈولر کی 136 رنز اننگز بھی بھارت کو شکست سے نہ بچاسکی تھی۔
خبر فائل ہونے تک پی سی بی کے ووٹنگ پول میں شائقین کرکٹ نے سب سے زیادہ ووٹ 1999 میں کھیلے جانے والے پاک بھارت ٹیسٹ میچ کو بہترین قرار دیا ہے جس کو 62 ووٹ ملے ہیں، دوسرے نمبر پر 16 ووٹ 1987 کے پاک بھارت ٹیسٹ کو شائقین نے پسندیدہ ٹیسٹ قرار دیا ہے.
