رواں مالی سال کے پہلے آٹھ ماہ میں تجارتی خسارہ 21 ارب 30 کروڑ ڈالر تک پہنچ گیا۔
ادارہ شماریات نے تجارتی اعدادوشمار جاری کردئیے ہیں جس کے مطابق جولائی تا فروری مجموعی درآمدات 40 ارب 9 کروڑ 30 لاکھ ڈالرز رہیں۔
اس عرصے میں برآمدات کا کل حجم 18 ارب 79 کروڑ 30 لاکھ ڈالرز رہا جب کہ فروری میں ملکی برآمدات 2 ارب 30 کروڑ 50 لاکھ ڈالرز رہیں۔
رواں سال فروری میں مجموعی درآمدات 4 ارب 90 لاکھ ڈالرز رہیں۔ فروری میں تجارتی خسارہ ایک ارب 70 کروڑ 40 لاکھ ڈالرز رہا۔
