اے آر وائی ڈیجیٹل کے پروگرام ’ستاروں کی بات ہمایوں کے ساتھ‘ کے میزبان ماہر علم نجوم ہمایوں محبوب نے کہا کہ میں نے جو گزشتہ سال کہاں وہ پیش گوئی اگر درست ثابت ہوئی تو اس میں میرے رب کا کرم تھا وہ پورا کردیں تو اس کا شکر ادا کرتے ہیں اور اس میں اللہ کی مرضی تھی کرم ہوگیا۔
"سال 2023 حکومت کے لیے کیسا ہوگا؟”
سال 2023 الیکشن کا سال ہے کے سوال کے جواب میں انہوں نے کہا کہ آسمان کے اوپر سارے میجر پلانٹ 2023 میں تبدیلی کی جانب جارہے ہیں۔
انہوں نے کہا کہ 17 جنوری کے بعد آپ دیکھیں گے ملک کے سسٹم اور ڈائریکشن کس طرف جاتی ہے۔
"عمران خان کے زائچے میں قُندلی کا پلانٹ تبدیل ہونے جارہا ہے”
انہوں نے پیش گوئی کی کہ عمران خان ہٹ بھی گئے، آڈیو لیک اور ویڈیو لیک کا سلسلہ ابھی اور چلے گا، عمران خان کے زائچے میں قُندلی کا پلانٹ تبدیل ہونے جارہا ہے۔
اقتدار سے متعلق سوال پر انہوں نے پیش گوئی کہ ’عمران خان زائچے کے مطابق بہت مضبوط ہے لیکن اس سوال کا جواب اس وقت بہتر ہوسکتا ہے کہ جب الیکشن کی تاریخ سامنے آئے۔‘
"سال 2023 میں بڑی سیاسی شخصیت ہمارے درمیان موجود نہیں ہوں گی”
ماہر علم نجوم نے یہ بھی پیش گوئی کی کہ سال 2023 میں بڑی سیاسی شخصیت ہمارے درمیان موجود نہیں ہوں گی، موت طبعی طریقے سے ہوگی یا غیرطبعی طریقے سے ہوگی؟ جواب انہوں نے کہا کہ یہ تو اللہ کو معلوم ہے لیکن موت ہوسکتی ہے۔
"نواز شریف رواں سال وطن واپس آئیں گے”
انہوں نے کہا کہ ’نواز شریف سے متعلق پہلے بھی بتایا تھا کہ وہ رواں سال وطن واپس آئیں گے۔
"اللہ تعالیٰ کی ناراضگیوں کا اظہار آنے والے وقت میں دنیا دیکھے گی”
انہوں نے پیش گوئی کی کہ سال 2023 میں جنگی ماحول بننا شروع ہوجائیں گے دنیا کی معیشت اور بیماریاں بھی پھیلیں گی؟ اللہ تعالیٰ کی ناراضگیوں کا اظہار آنے والا وقت دنیا میں دکھائے گا۔
ہمایوں محبوب نے پیش گوئی کی کہ بلاول بھٹو اور مریم نواز مجھے وزیراعظم بنتے نظر نہیں آرہے اگر مولانا فضل الرحمان کی قسمت میں صدر بننا ہوتا تو وہ اب تک بن چکے ہوتے۔
