رواں سال نومبر میں امریکا میں ہونے والے صدارتی انتخابات میں اگر ٹرمپ دوبارہ صدر منتخب ہوئے تو ان کی اہلیہ میلانیا کیا کریں گی بتا دیا ہے۔
رواں سال نومبر میں امریکا میں چار سالہ مدت کے لیے صدارتی الیکشن ہو رہے ہیں جس میں ڈیموکریٹک کی جانب سے موجودہ صدر جو بائیڈن جب کہ ری پبلیکن کی جانب سے سابق صدر ڈونلڈ ٹرمپ کے ون ٹو ون مقابلے کا امکان ہے اور اس حوالے سے دونوں اپنی مہم بھی جاری رکھے ہوئے ہیں۔
اگر ڈونلڈ ٹرمپ دوبارہ امریکا کے صدر بنتے ہیں تو امریکی خاتون اول میلانیا ٹرمپ کی ترجیحات کیا ہوں گی وہ انہوں ںے بتا دی ہیں۔
غیر ملکی میڈیا کو انٹرویو میں میلانیا نے کہا کہ امریکیوں کی حفاظت اور فلاح ان کی اولین ترجیح ہوگی کیونکہ ہمارے نوجوان اور بچے ہی ہمارے مستقبل کے رہنما ہیں۔
انہوں نے کہا کہ ہمیں ایک ایسے معاشرے کے قیام کے لیے کوششوں میں متحد ہونا چاہیے جہاں ہر امریکی کے لیے برابری ہو، ہمیں مل کر آزادی کی حفاظت کرنی چاہیے۔
میلانیا ٹرمپ نے امریکیوں پر زور دیا کہ عوام متحد ہو کر ڈونلڈ ٹرمپ کے لیے صدر منتخب ہونے کا راستہ بنائیں۔
واضح رہے کہ میلانیا ٹرمپ سابق امریکی صدر ڈونلڈ ٹرمپ کی تیسری اہلیہ ہیں اور ان کی 2005 میں شادی ہوئی تھی۔
