واشنگٹن : پیغام رسانی کی سب سے بڑی موبائل ایپلیکیشن واٹس ایپ نے گروپ کالنگ کا آسان طریقہ کار متعارف کرا دیا۔
دنیا بھر میں واٹس ایپ صارفین کی تعداد دیڑھ ارب سے تجاوز کرچکی ہے اور ہر ماہ ہی اس کے استعمال کنندگان میں اضافہ دیکھنے میں آرہا ہے، کمپنی کی جانب سے صارفین کی دلچسپی کو بڑھانے اور مزید سہولیت دینے کےلیے مختلف فیچرز اور طریقہ کار متعارف ہوتے رہتے ہیں۔
اب واٹس ایپ انتظامیہ کی جانب سے صارفین کی سہولت کےلیے نیا فیچر متعارف کرایا گیا ہے جس کے ذریعے واٹس ایپ صارفین آسانی کے ساتھ گروپ کالنگ کرسکتے ہیں۔
We've made it easier than ever to start a group call from WhatsApp for groups of 4 or less. From your group chat tap the video or voice call icon to directly start a call with everyone in the chat! 🙌
— WhatsApp Inc. (@WhatsApp) April 7, 2020
پہلے چار افراد یا اس سے کم صارفین کو گروپ کال کرنے کےلیے ایک ایک کو الگ الگ کال ملانا پڑتی تھی لیکن انتظامیہ کی سہولت دینے کے بعد چار افراد یا اس سے کم براہ راست آڈیو یا ویڈیو کال کے بٹن پر کلک کرکے کال کرسکتے ہیں۔
واٹس ایپ انتظامیہ نے اس سہولت کا اعلان سماجی رابطے کی ویب سائٹ پر اپنے آفیشل اکاؤنٹ سے کیا تھا.
خیال رہے کہ اس سے قبل واٹس ایپ انتظامیہ نے کرونا وائرس کے حوالے سے سوشل میڈیا پر چلنے والی جھوٹی اور گمراہ کن خبروں کا پھیلاؤ روکنے کےلیے فارورڈ میسجز کے طریقہ کار کو مزید سخت کردیا تھا۔