جمعرات, جولائی 25, 2024
اشتہار

واٹس ایپ پر صارفین کیلئے ایک اور زبردست فیچر

اشتہار

حیرت انگیز

میٹا کی جانب سے واٹس ایپ صارفین کے لیے ایک اور زبردست فیچر متعارف کرائے جانے کا امکان ہے جس کی آزمائش شروع ہوچکی ہے۔

واٹس ایپ پر بھیجے جانے والے وائس نوٹ کو تحریر میں تبدیل کرنے کے فیچر پر آزمائش شروع کردی گئی، پہلے پہل اس فیچر تک رسائی محدود صارفین کو دی جائے گی، اس فیچر کا مقصد بالخصوص مختلف زبانوں میں بات چیت کرنے والے صارفین کے لیے واٹس ایپ کا استعمال مزید آسان بنانا ہے۔

اس فیچر کے ذریعے واٹس ایپ کے صارفین وائس نوٹ کی صورت میں بھیجے گئے پیغامات کو اپنی ترجیحی زبان میں سمجھ سکیں گے اور ان کے لیے دوسرے زبانوں کا پیغام سمجھنا بھی آسان ہوجائے گا۔

- Advertisement -

صارفین کو وائس میسیجز سننے کی ضرورت نہیں پڑے گی بلکہ اس فیچر کے بعد صارفین چاہیں تو ایک کلک کے ذریعے وائس نوٹ کو تحریر میں تبدیل کر سکیں گے اور سمجھ سکیں گے۔

وائس نوٹ کو تحریر میں تبدیل کرنے کا فیچر ابتدائی طور پر محدود زبانوں میں فراہم کیا جارہا ہے، تاہم بتدریج اس میں دیگر زبانوں کو بھی شامل کیے جانے کا امکان ہے۔

یہ زبردست فیچر ابھی 5 زبانوں میں متعارف کروایا جارہا ہے جس میں انگریزی، ہسپانوی، پرتگالی، روسی اور ہندی زبان شامل ہیں.

آرٹیفیشل انٹیلی جنس کی مدد سے واٹس ایپ وائس نوٹ کو تحریر میں تبدیل کرے گا، اِس فیچر میں مستقبل میں مزید تبدیلیاں بھی لائی جائیں گی۔

میٹا کی جانب سے مذکورہ فیچر پر گزشتہ برس سے کام جاری تھا، تاہم اب اس کی باقاعدہ آزمائش شروع کردی گئی ہے اور امکان ہے اسے جلد ہی تمام صارفین کے لیے بھی متعارف کرایا جائے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں