پیغام رسانی کے لیے دنیا بھر میں سب سے زیادہ استعمال ہونے والے پلیٹ فارم واٹس ایپ نے 1 ماہ کے دوران 8.4 ملین (84 لاکھ) سے زائد بھارتی واٹس ایپ اکاؤنٹس بلاک کردیئے۔
غیر ملکی ذرائع ابلاغ کے مطابق مذکورہ کارروائی واٹس ایپ کی پیرنٹ کمپنی میٹا کی جانب سے جعلی سرگرمیوں کے پیشِ نظر عمل میں لائی گئی ہے۔
رپورٹس کے مطابق واٹس ایپ کو اگست 2024ء کے دوران 10 ہزار 707 صارفین کی جانب سے شکایات موصول ہوئی تھیں جن میں سے 93 فیصد شکایات پر فوری طور پر کارروائی عمل میں لائی گئی۔
میٹا نے بھارت میں تقریباً 8.45 ملین بھارتی واٹس ایپ اکاؤنٹس انفارمیشن ٹیکنالوجی ایکٹ کے تحت بند کیے ہیں۔
واضح رہے کہ واٹس ایپ کا کہنا ہے کہ اکاؤنٹ پر پابندی صارفین کی جانب سے فراڈ اور مشکوک سرگرمیوں کی اطلاعات سامنے آنے پر لگائی گئی ہے، جبکہ اکاؤنٹس کو بلاک کرنے کا مقصد پلیٹ فارم کی سالمیت کے تحفظ کو مضبوط بنانا ہے۔
اس سے قبل انسٹنٹ میسجنگ ایپلی کیشن واٹس ایپ میں صارفین کے اکاؤنٹس پر دیگر سوشل میڈیا اکاؤنٹس شامل کرنے کے فیچر کی آزمائش کا آغاز کردیا گیا۔
فی الحال انتظامیہ کی جانب سے بزنس صارفین کو اپنی ویب سائٹ یا دیگر سوشل میڈیا اکاؤنٹس شامل کرنے کی سہولت دی جارہی ہے، تاہم عام صارفین کو اس سے قبل یہ سہولت میسر نہیں تھی۔
دولہے سے واٹس ایپ گفتگو کے بعد دلہن نے شادی منسوخ کردی
اب واٹس ایپ کی جانب سے عام صارفین کو بھی یہ فیچر فراہم کرنے پر کام شروع کیا گیا ہے اور اس کی آزمائش جاری ہے۔
