پیغامات بھیجنے کے لیے معروف میٹا کی ملکیت واٹس ایپ نے گوگل پلے بیٹا پروگرام کے ذریعے نئی دلچسپ اپ ڈیٹ متعارف کروا دی ہے۔
ڈبلیو اے بیٹا انفو کے مطابق تازہ ترین واٹس ایپ اپ ڈیٹ میں اینیمیٹڈ اوتار فیچر متعارف کرایا گیا ہے جس پر پہلے سے کام جاری تھا، اب بیٹا چلانے والوں کے لیے یہ اپ ڈیٹ دستیاب ہے۔
نئے اینیمیٹڈ اوتار کے ساتھ صارفین واٹس ایپ کو بہتر انداز میں استعمال کرسکیں گے، یہ صارفین کے لیے ایک متحرک عنصر مہیا کرے گا جب کہ اس فیچر کو باقاعدگی سے استعمال کرنے والے صارفین اپنے اظہار کو بہتر طریقے سے سامنے والے تک پہنچا سکیں گے۔
یہ فیچر واٹس ایپ اکاؤنٹ کے لیے فعال ہے یا نہیں آپ اسے چیک کرسکتے ہیں، سب سے پہلے چیٹ میں جا کر اوتار ٹیب کو کھولیں، اگر کچھ اوتاروں کے لیے اینیمیشن موجود ہے، تو اس کا مطلب ہے کہ اب آپ اینیمیٹڈ اوتار شیئر کر سکتے ہیں۔
وصول کنندہ کو موصول ہونے والے متحرک اوتار کو دیکھنے کے لیے نئے فیچر کو فعال کرنے کی ضرورت نہیں ہے، اس کا مطلب ہے کہ اینیمیٹڈ اوتار کو ان صارفین کے ساتھ بھی شیئر کیا جاسکتا ہے جو بیٹا کا استعمال نہیں کرتے۔