کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے نمبر کی تبدیلی کے حوالے سے نیا فیچر متعارف کروادیا، جس کے ذریعے صارفین اپنے دوستوں اور عزیزوں کو نمبر کی تبدیلی سے آگاہ کرسکیں۔
تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئے روز نت نئے فیچرز متعارف کروائے جاتے ہیں جس کا مقصد صارف کو بہتر سروس مہیا کرنا ہے۔
انتظامیہ کی جانب سے حالیہ دنوں واٹس ایپ میں وہ فیچر متعارف کروایا جارہا ہے جو 2009 کے آغاز سے موجود ہی نہیں تھا۔
منتظمین کی جانب سے ایک ایسا آزمائشی فیچر ایپ میں شامل کیا گیا ہے کہ اب صارفین اپنے نمبر کی تبدیلی کے حوالے سے دیگر لوگوں کو آگااہ کرسکیں گے۔
طریقہ استعمال
واٹس ایپ استعمال کرنے صارفین سیٹینگز میں جاکر اکاؤنٹ کے آپشن پر کلک کریں گے تو ان کے پاس نمبر تبدیلی کا آپشن نظر آنے لگے گا اب آپ اپنا نیا نمبر اس آپشن میں درج کریں اس کے بعد نوٹیفیکیشن بھیجنے کے تین آپشن نظر آئیں گے۔
آپ اپنی مرضی کے مطابق مذکورہ خانے پر چیک لگائے گا جس کے بعد بذریعہ میسج دیگر لوگو ں تک یئہ پیغام خود بخود پہنچ جائے گا۔
اب آپ تین میں سے پہلے اور دوسرے آپشن کے تحت نوٹیفیکشن ان تمام لوگوں کو سینڈ ہوگا جو آپ کے ساتھ بات چیت میں مصروف ہیں یا کبھی رابطے میں تھے ، جبکہ تیسرے یعنی کسٹم آپشن پر کلک کرنے کے بعد مخصوص نمبروں کو پیغام بھیجا جائے گا۔
میسج ڈیلیٹ فیچر، واٹس ایپ نے بڑی تبدیلی کردی
یاد رہے کہ واٹس ایپ انتظامیہ کی جانب نے گذشتہ سال بھی صارفین کے لیے نئی خصوصیت متعارف کروائی تھی جس کے تحت صارف غلطی سے بھیجے گئے پیغامات کو 7 منٹ کے اندر سب کے پاس سے ڈیلیٹ کرسکتا تھا تاہم بعد میں اس کا دورانیہ ایک گھنٹے سے زائد کا کردیا گیا تھا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
