پیغام رسانی کے لیے استعمال ہونے والی دنیا کی مقبول ترین ایپلی کیشن واٹس ایپ کی جانب سے نے ڈیسک ٹاپ ورژن میں ایڈٹ بٹن متعارف کروائے جانے کا امکان ہے۔
واٹس ایپ کی تبدیلیوں پر نظر رکھنے والی ویب سائٹ ’ویب ایٹ انفو‘ کے مطابق ایپلی کیشن کے ماہرین ڈیسک ٹاپ صارفین کے لیے ایڈٹ بٹن کو متعارف کرائے جانے پر کام کرنے میں مصروف ہیں۔
رپورٹ میں بتایا گیا کہ ابتدائی طور پر ایڈٹ بٹن پر محدود صارفین کو رسائی دی جائے گی اور ممکنہ طور پر اسے پہلے ڈیسک ٹاپ یعنی کمپیوٹر یا لیپ ٹاپ پر واٹس ایپ استعمال کرنے والے صارفین میں متعارف کرائے جائے گا۔
ابھی یہ واضح نہیں ہے کہ ایڈٹ بٹن کے بعد صارفین کو ایڈٹ ہسٹری بھی نظر آئے گی یا نہیں اور یہ بھی معلوم نہیں کہ صارفین کتنی دیر کے بعد میسیج کو ایڈٹ کرنے کے قابل ہوں گے۔
رپورٹ میں یہ عندیہ بھی دیا گیا کہ ممکنہ طور پر ایڈٹ بٹن بیک وقت ڈیسک اور اسمارٹ موبائل صارفین میں محدود پیمانے پر متعارف کرایا جا سکتا ہے۔
واضح رہے کہ واٹس ایپ سے قبل اسی کمپنی کی سوشل ویب سائٹ فیس بک اور شیئرنگ ایپلی کیشن انسٹا گرام پر بھی ایڈٹ بٹن کی سہولت دستیاب ہے جبکہ حال ہی میں ٹوئٹر نے بھی ایڈٹ بٹن کو متعارف کرانے کا اعلان کیا تھا۔
