کیلی فورنیا: پیغام رسانی کے لیے استعمال ہونے والی مقبول ترین ایپلی کیشن واٹس ایپ نے صارفین کی ایک اور پریشانی دور کردی ہے۔
اینڈرائیڈ سے آئی فون پر منتقل ہونے کی صورت صارفین کو اپنے ڈیٹا سے ہاتھ دھونا پڑتا تھا تاہم اب واٹس ایپ نے کو میسجز اور تمام ڈیٹا آسانی سے آئی فون پر منتقل کرنے کی سہولت فراہم کردی ہے۔
تازہ ترین اپ ڈیٹ کے بعد اب واٹس ایپ صارفین بحفاظت اپنا ڈیٹا ’موو ٹو آئی او ایس‘ ایپ استعمال کرتے ہوئے اینڈرائیڈ سے آئی فون میں ٹراسنفر کرسکیں گے، یہ ایپلی کیشن ایپ اسٹور پر دستیاب ہے۔
واٹس ایپ کا کہنا ہے کہ یہ منتقلی مکمل طور پر انکرپٹڈ ہوگی اور یہ سہولت آئندہ ہفتے تک تمام صارفین کی دسترس میں ہوگی۔
اس سے قبل واٹس ایپ ڈیٹا کی منتقلی صرف آئی فون سے اینڈرائیڈ پر جانے کی صورت میں ممکن ہوتی تھی۔
Comments
- Advertisement -
