کراچی: پاکستان سمیت دنیا کے مختلف ممالک میں واٹس ایپ کی سروس کچھ دیر کے لیے معطل رہنے کے بعد بحال ہو گئی۔
تفصیلات کے مطابق سماجی رابطے کی ویب سائٹ واٹس ایپ کی سروس دنیا کے مختلف ممالک میں کچھ دیر معطل رہنے کے بعد بحال ہو گئی ہے۔
پاکستان، برطانیہ، امریکا، کینیڈا سمیت مختلف ممالک میں واٹس ایپ کی سروس تقریباً آدھا گھنٹہ متاثر رہی، واٹس ایپ سروس کی بندش کا معاملہ فوراً ہی ٹوئٹر پر ٹاپ ٹرینڈ بن گیا۔
واٹس اپ کی جانب سے خرابی کی کوئی وجہ نہیں بتائی گئی، معطلی کے دوران پاکستان سمیت امریکا، برطانیہ اور کینیڈا میں صارفین کو پیغامات بھیجنے میں مشکل پیش آئی۔
