واٹس ایپ اپنے صارفین کے لیے مختلف فیچرز کی آزمائش کرتا رہتا ہے، اب واٹس ایپ کے بیٹا ورژن کی جانب سے صارفین کے لیے ایک نیا فیچر متعارف کرایا گیا ہے۔
واٹس ایپ نے 2023 میں فوری ویڈیو نوٹس متعارف کرائے تھے، جس سے صارفین کو چیٹ میں براہ راست 60 سیکنڈ کی ویڈیو پیغامات ریکارڈ اور بھیجنے کی سہولت ملی۔
ایک رپورٹ کے مطابق اب میسجنگ پلیٹ فارم اس خصوصیت کو بہتر بنا رہا ہے تاکہ اس کے لئے فوری جوابات کی سہولت مہیا کی جاسکے۔
یہ نیا آپشن واٹس ایپ کے اینڈرائیڈ بیٹا ورژن میں دیکھا گیا ہے، یہ ترقی صرف چند دن بعد سامنے آئی ہے جب یہ انکشاف ہوا کہ وہ کالز ٹیب کے لیے ایک نئے ان ایپ ڈائلر پر بھی کام کر رہا ہے۔
غیرملکی خبر رساں ادارے کی رپورٹ کے مطابق تازہ ترین واٹس ایپ بیٹا ورژن (2.24.14.5) نے صارفین کے لیے ایک نیا شارٹ کٹ متعارف کرایا ہے جس کو استعمال کرتے ہوئے ویڈیو پیغامات کا فوری اور آسانی کے ساتھ جواب دیا جا سکے گا
نئی اپ ڈیٹ واٹس ایپ کے اندر ویڈیو رابطے کو آسان بنانے میں ایک بڑا قدم ثابت ہوگی۔ نیا شارٹ کٹ بٹن چیٹس میں ویڈیو پیغامات کے برابر میں رکھا جائے گا۔
اس بٹن کو دبانے سے ریکارڈر کھل جائے گا جس کے بعد رپلائی بھیجنے کے لیے ویڈیو بنائی جاسکے گی۔ اس نئی اپڈیٹ کے بعد واٹس ایپ صارفین متعدد مینو آئٹمز کی طرف جانے سے بچ سکتے ہیں۔
