site
stats
سائنس اور ٹیکنالوجی

غلطی کا اعتراف، واٹس ایپ نے فیچر واپس لے لیا

کیلی فورنیا: موبائل فون کی سب سے بڑی میسجنگ ایپ واٹس ایپ نے غلطی کی تصدیق کرتے ہوئے گروپ چیٹ میں ’پرائیوٹ رپلائی‘ کا فیچر فی الحال ختم کردیا۔

تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئےروز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔

واٹس ایپ نے حال ہی میں 2 فیچرز متعارف کروائے تاہم انتظامیہ نے غلطی کا اعتراف کرتے ہوئے ایک فیچر فوری طور پر واپس لے لیا۔

موبائل فون کی سب سے بڑی مسیجنگ ایپ پر نظر رکھنے والے ویب بیٹا انفو کے مطابق واٹس ایپ کا نیا فچر گروپ میں کسی بھی صارف کو پرائیوٹ رپلائی کرنے کا فچر غلطی سے متعارف ہوگیا تھا جسے واپس ہٹا دیا گیا ہے۔

انتظامیہ کے مطابق گروپ کے کسی بھی صارف کو پرائیوٹ جواب دینے کا فیچر ابھی آزمائشی مراحل میں ہے، ماہرین اور صارفین کی رائے کو مدنظر رکھتے ہوئے اس کو مشاہدہ کرنے کے بعد متعارف کروایا جائے گا۔

یہ بھی پڑھیں: واٹس ایپ کے 2 نئے شاندار فیچرز متعارف

واضح رہے کہ واٹس ایپ نے  رواں ماہ 2 نئے فیچرز ویب ورژن کے لیے متعارف کروائے گئے تھے جس کے تحت صارفین اب گروپ میں آنے والے کسی بھی پیغام کا با آسانی پرائیوٹ جواب دے سکیں گے۔

دوسرے متعارف کروائے جانے والے فیچر کے تحت گروپ پر آنے والی تصاویر یا ویڈیوز کو بعد میں دیکھنے کے لیے دائیں بائیں کرنے کا آپشن بھی موجود ہے اور اس کی آزمائشی سروس جاری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top