The news is by your side.

Advertisement

ابوظبی، واٹس ایپ پر بیوی کی بے عزتی کرنے والے شوہر کو 2 ماہ قید کی سزا

ابوظبی: متحدہ عرب کی ریاست ابوظبی میں عدالت نے واٹس ایپ پر بیوی کی بے عزتی کرنے والے شوہر کو 2 ماہ قید کی سزا سنادی۔

عرب میڈیا کے مطابق ابوظبی میں اماراتی شوہر کو بیوی کو واٹس ایپ پر تضحیک آمیز میسج کرکے بے عزتی کرنا مہنگا پڑ گیا، عدالت نے ملزم کو دو ماہ قید کی سزا سنادی۔

ابوظبی کی فیملی کورٹ میں خاتون نے موقف اختیار کیا کہ میرے اور شوہر کے درمیان غلط فہمی ہوگئی تھی جس کو دور کرنے کے لیے میں نے شوہر سے واٹس ایپ پر رابطہ کیا تھا۔

خاتون کا کہنا تھا کہ میں حیران رہ گئی کہ میں صلح کی بات کررہی تھی اور شوہر مجھ پر گالم گلوچ کرکے میری بے عزتی کیے جارہے تھے۔

مزید پڑھیں: ابوظبی: پہلی بیوی کو واٹس ایپ پر نازیبا تصاویر بھیجنا شوہر کو مہنگا پڑ گیا

اماراتی خاتون کا کہنا تھا شوہر کی جانب سے متعدد مرتبہ اس ہی طرح کے روئیے کا سامنا رہا، میں نے سمجھانے کی کئی بار کوشش کی لیکن کوئی فائدہ نہ ہوا تو میں نے شوہر کے خلاف شکایت درج کرادی۔

پراسیکیوٹر کی جانب سے ملزم کو آن لائن قانون کی خلاف ورزی کے تحت سزا دینے کا کہا گیا تھا تاہم عدالت نے ملزم کو دو ماہ قید کی سزا سنائی۔

آخری سماعت کے دوران ملزم شوہر کا کہنا تھا کہ اہلیہ مجھ سے طلاق لے کر بچوں کو اپنے ساتھ لے جانا چاہتی ہے۔

اماراتی شوہر نے اہلیہ کی جانب سے عائد کردہ تمام الزامات کو مسترد کرتے ہوئے سزا کو اپیل کورٹ میں چیلنج کردیا۔

ابوظبی کی عدالت نے کیس کی مزید سماعت 15 ستمبر تک ملتوی کردی۔

Comments

comments

یہ بھی پڑھیں