پیغام رسانی کے لیے استعمال ہونے والی دنیا کی سب سے مقبول ایپلیکیشن واٹس ایپ نے ویڈیو اور آڈیو کالنگ کو بہتر بنانے کے لیے چار ہام فیچر متعارف کروانے کا اعلان کردیا۔
میٹا کی زیر ملکیت میسجنگ ایپلی کیشن واٹس ایپ کی جانب سے رواں سال نت نئے فیچر متعارف کروائے ہیں جس کا مقصد صارفین کو نت نئی سہولیات فراہم کرنا اور دیگر ایپلیکیشن کے مقابلوں میں سبقت لے جانا شامل ہے۔
واٹس ایپ پر روزانہ کروڑوں افراد آڈیو یا ویڈیو کال کرتے ہیں جس کو مدنظر رکھتے ہوئے یہ نئے فیچر متعارف کروائے جارہے ہیں۔
یہ نئے کالنگ فیچرز واٹس ایپ کے ڈیسک ٹاپ ورژن اور موبائل ایپ صارفین دونوں کے لیے متعارف کروائے جائیں گے جبکہ ایک فیچر ویڈیو کالنگ ایفیکٹس سے متعلق ہے۔
ویڈیو کالنگ ایفکیٹس کو استعمال کرتے ہوئے صارفین ویڈیو کال کرتے ہوئئے اپنی شخصیت کو تبدیل کرسکتے ہیں۔
ایک نیا فیچر گروپ کالنگ سے متعلق ہے اور یہ بہت زیادہ کارآمد ثابت ہوگا۔
اس فیچر کے ذریعے صارفین کسی بھی واٹس ایپ گروپ میں شامل کسی ایک فرد یا مخصوص افراد کو منتخب کرکے ان کو کال کرسکیں گے۔
ابھی واٹس ایپ گروپ میں کال کرنے پر اس میں سب افراد شامل ہو جاتے ہیں مگر اس نئے فیچر سے آپ اپنے پسندیدہ افراد سے آرام سے بات کرسکیں گے اور دیگر کو اس علم بھی نہیں ہوگا۔
کمپنی کی جانب سے واٹس ایپ کے ڈیسک ٹاپ ورژن میں بھی کالنگ کے تجربے کو بہتر بنایا جا رہا ہے۔
اس مقصد کے لیے ایک نئے کالز ٹیب کا اضافہ کیا جا رہا ہے تاکہ صارفین آسانی سے کالز کرسکیں یا کال لنکس بناسکیں۔
چوتھا فیچر ویڈیو کالنگ کے معیار کو بہتر بنانے میں مدد فراہم کرے گا۔
اس فیچر کے تحت ہائی ریزولوشن ویڈیو ون آن ون اور گروپ کالز کے درمیان نظر آئے گی۔
