سلیکان ویلی: پیغام رسانی کے لیے استعمال ہونے والی موبائل ایپلیکیشن واٹس ایپ نے صارفین کی حفاظت کے لیے اہم سیکیورٹی فیچر متعارف کرادیا۔
واٹس ایپ کے دنیا بھر میں دو ارب سے زائد صارفین موجود ہیں، جو کو سہولیات فراہم کرنے کے لیے کمپنی کی جانب سے نت نئے فیچرز اور سہولیات متعارف کرائی جاتی ہیں۔
کمپنی صارفین کے ڈیٹا کی حفاظت کے لیے بھی اقدامات کرتی ہے، جس کے تحت اُن کی چیٹ، تصاویر، ویڈیوز اور کالز کو محفوظ بنانے پر خصوصی کام کیا گیا ہے۔
واٹس ایپ نے صارفین کے ڈیٹا کی حفاظت کے لیے اینڈ ٹو اینڈ انکرپٹڈ سسٹم متعارف کرایا، جس کے بعد کمپنی کا ملازم بھی کسی صارف کی چیٹ وغیرہ نہیں پڑ سکتا، اس کا دو صارف یعنی پیغام بھیجنے اور موصول کرنے والے سے ہی تعلق ہے، اسی کے تحت اُن کا ڈیٹا محفوظ بنایا جارہا ہے۔
🎉 WhatsApp is the leading global messaging service to offer *both* end-to-end encrypted messaging and backups on iCloud or Google Drive. 🎉
So you can make sure that bestie’s voice messages and mum’s secret recipe will be safely stored in a place only you can access.
— WhatsApp (@WhatsApp) September 10, 2021
اینڈ ٹو اینڈ فیچر کے بعد صارفین بہت زیادہ مطمئن ہوئے مگر اب بھی کچھ کو خدشات لاحق ہیں۔
اب واٹس ایپ نے صارف کی چیٹ اور ڈیٹا کو مزید محفوظ بنانے کے لیے سیکیورٹی کا نیا فیچر متعارف کرایا ہے۔ جس کے تحت وہ اب گوگل ڈرائیو اور آئی کلاؤڈ پر بھی بے فکر ہوکر چیٹ کو محفوظ کرسکتے ہیں۔
واٹس ایپ کے مطابق اس فیچر کی تیاری کے دوران بہت سی مشکلات کا سامنا کرنا پڑا مگر ماہرین نے کافی جدوجہد کے بعد بالآخر کامیابی حاصل کرلی ہے۔
End-to-end encrypted backups are coming soon to iOS and Android. Keep an eye on this thread for updates! 👀
— WhatsApp (@WhatsApp) September 10, 2021
فیس بک کے سربراہ مارک زکربرگ نے اس نئے فیچر کے حوالے سے اعلان کرتے ہوئے کہا کہ ’ہم نے صارف کی حفاظت کے لیے محفوظ عمارت (نیا فریم ورک) تیار کرلی، جس کا تعلق ڈیٹا بیک اپ سے ہے۔
انہوں نے بتایا کہ ’ہم نے پرائیویسی اور سیکیورٹی میں ایک نئے لیئر کا اضافہ کیا ہے، جس کے بعد صارف کے پاس گوگل ڈرائیو اور آئی کلاؤڈ پر بنا خوف ڈیٹا محفوظ کرنے اور اسے دوبارہ حاصل کرنے کا اختیار ہوگا‘۔
مارک زکر برگ نے بتایا کہ اس فیچر پر کام مکمل ہوگیا ہے، ابتدائی دنوں میں اینڈرائیڈ صارفین اسے استعمال کرسکیں گے جبکہ چند روز میں آئی فون صارفین کے لیے بھی یہ سہولت دستیاب ہوگی۔ رپورٹ کے مطابق یہ فیچر دنیا بھر کے صارفین کے لیے جلد پیش کردیا جائے گا۔
