The news is by your side.

Advertisement

انٹرنیٹ‌ بچا کر واٹس ایپ پر ویڈیو بھیجنے کا طریقہ

سان فرانسسکو: واٹس ایپ نے صارفین کو درپیش ایک اور مسئلے کا حل نکالنے کی کوشش شروع کردی۔

واٹس ایپ کی جانب سے دنیا بھر میں موجود دو ارب سے زائد صارفین کو جدید سہولیات تو فراہم کی جاتی ہی ہیں مگر استعمال کنندگان کو ایک مسئلہ درپیش تھا جس پر اب تک تو کوئی کام نہیں کیا گیا تھا۔

عام طور پر صارفین کی خواہش یہ ہوتی ہے کہ وہ جو منظر خود اپنی آنکھوں سے دیکھ رہے ہیں بالکل ویسا ہی اپنے دوست کو بھی دکھائیں، جس کے لیے وہ ویڈیو ریکارڈ کر کے اُسے سینڈ کرتے تھے۔

صارفین کو  یہ مشکل درپیش تھی کہ جب وہ کوئی بھی ویڈیو کسی دوست کو بھیجتے تھے تو اُس کا رزلٹ تبدیل ہوجاتا تھا، یعنی گرافکس کم یا اُس کی کوالٹی متاثر ہوتی تھی۔

اس وقت واٹس ایپ صارفین کو ویڈیو بھیجتے وقت یفرینس بدلنے کی اجازت نہیں جس کے باعث اُس کی کوالٹی بہت زیادہ خراب ہوتی ہے۔ مستقبل میں صارفین کو ایسی کوئی پریشانی درپیش نہیں ہوگی۔

مزید پڑھیں: اینڈرائیڈ سے آئی فون پر چیٹ‌ منتقل کرنے کا آفیشل طریقہ

واٹس ایپ پر نظر رکھنے والے ادارے ڈبلیو اے بیٹا انفو کی رپورٹ کے مطابق واٹس ایپ نے صارفین کی اس پریشانی کو حل کرنے کے لیے اقدامات شروع کردیے ہیں۔

ڈبلیو اے بیٹا کی رپورٹ کے مطابق واٹس ایپ نے ایک نئے فیچر کی آزمائش شروع کی ہے، جس کے تحت اب صارف کو ویڈیو بھیجتے وقت تین آپشن نظر آئیں گے۔

اس فیچر کے بعد صارف کو اختیار ہوگا کہ وہ کس طرح کی ویڈیو دوست کو بھیجے گا۔ جب کوئی بھی ویڈیو بھیج رہا ہوگا تو اُس کے سامنے آٹو، بیسٹ کوالٹی اور ڈیٹا سیور کے آپشنز نظر آئیں گے۔

آٹو  

ڈبلیو اے بیٹا کے مطابق آٹو آپشن کو مرکزی کی حیثیت حاصل ہوگی جو ویڈیو کے فارمیٹ پر ہی کام کرے گا۔

ڈیٹا سیور (انٹرنیٹ کا کم خرچ)

ڈیٹا سیور آپشن ان افراد کے لیے بہترین ہوگا جو انٹرنیٹ بچا کر اپنے دوستوں کو ویڈیوز بھیجنا چاہتے ہیں۔

بیسٹ کوالٹی 

تیسرا بیسٹ کوالٹی کا آپشن وہ ہوگا جس کی مدد سے ہائی ریزولیشن ویڈیوز سینڈ کی جاسکیں گے، جنہیں موبائل کی گیلری سے ڈاکومینٹ فارمیٹ کے ذریعے بھیجا جاسکے گا۔

واٹس ایپ نے اس فیچر کی آزمائش شروع کردی ہے، فی الوقت یہ سہولت بیٹا ورژن استعمال کرنے والے صارفین کے لیے دستیاب ہے۔ روایت کے مطابق کامیاب آزمائش کے بعد اسے تمام صارفین کے لیے متعارف کرایا جائے گا۔

Comments

یہ بھی پڑھیں