دنیا بھر میں مقبول ترین میسیجنگ ایپلی کیشن واٹس ایپ نے ایک نیا اور زبردست فیچر لانچ کر دیا۔
ویب بیٹا انفو کی ویب سائٹ نے اس حوالے سے خبر دی ہے کہ واٹس ایپ نے اینڈرائیڈ بیٹا ورژن 2.21.14.3 استعمال کرنے والوں کے لیے ’ویو وَنس‘ کا فیچر متعارف کرا دیا۔
اس فیچر کے تحت جس شخص کو تصاویر اور ویڈیوز موصول ہوں گی، وہ انھیں چیٹ میں ایک بار ہی دیکھ سکے گا، اگر چیٹ بند کر کے دوبارہ کھولی تو وہ ویڈیوز اور تصویریں غائب ہو چکی ہوں گی۔
ویو وَنس یعنی ایک بار دیکھنے سے متعلق اس فیچر کے حوالے سے بھی کئی روز سے خبریں سرگرم تھیں، کہ جلد ہی یہ صارفین کے استعمال میں ہوگا، اور اب یہ اسے صارفین کے لیے لانچ کیا جا چکا ہے۔
ویب بیٹا انفو کے مطابق اس فیچر کی آزمائش کا آغاز آج سے بیٹا ورژن 2.21.14.3 کے صارفین کے لیے ہو چکا ہے۔
فیچر کے بارے میں معلوم کرنے کا طریقہ
آپ کے واٹس ایپ اکاؤنٹ میں یہ فیچر موجود ہے یا نہیں؟ اس کے پتا لگانے کا طریقہ یہ ہے کہ جب آپ تصاویر اور ویڈیوز شیئر کریں گے تو آپ کو یہ ویو وَنس (view once) کا آپشن دکھائی دے گا۔
اگر آپ اس آپشن کو منتخب کرتے ہوئے ویڈیوز اور تصاویر بھیجیں گے تو وہ شخص انھیں ایک بار ہی دیکھ سکے گا، جس کے بعد آپ کو نوٹیفکیشن بھی موصول ہوگا کہ اس شخص نے انھیں دیکھ لیا ہے۔
