واٹس ایپ استعمال کرنے والے صارفین کے لئے ایک اچھی خبر سامنے آگئی، ایک بڑی سہولت بہت جلد صارفین کو حاصل ہو جائے گی۔
غیر ملکی ذرائع ابلاغ کے مطابق واٹس ایپ کی جانب سے کی جانے والی اس تبدیلی کے بعد آپ واٹس ایپ کو فون نمبر شیئر کیے بغیر بھی استعمال کر سکیں گے۔
واٹس ایپ استعمال کرنے والے بہت سے صارفین جو اجنبیوں کے ساتھ فون نمبر کو شیئر کرنے میں ہچکچاتے ہیں کیونکہ اس نمبر کو اشتہارات سمیت مختلف مقاصد کے لیے ان کی اجازت کے بغیر استعمال کیا جاسکتا ہے۔
واٹس ایپ اپنے صارفین کی پریشانی کو مدنظر رکھتے ہوئے ایک ایسا فیچر متعارف کرانے جارہا ہے جو فون نمبر کے بغیر لوگوں سے رابطہ کرنے میں مدد فراہم کرے گا۔
wabetainfo کی رپورٹ کے مطابق اس فیچر میں فون نمبر کی بجائے یوزر نیم کو استعمال کرنے کی سہولت فراہم کی جائے گی۔
جب کوئی صارف اپنا یوزر نیم تیار کرلے گا تو اس کا فون نمبر دیگر افراد کی نظروں سے اوجھل ہو جائے گا جس سے صارفین کی سکیورٹی زیادہ بہتر ہوجائے گی۔
انسٹا گرام صارفین کیلئے بڑی خبر، دلچسپ فیچر متعارف
واٹس ایپ ویب کے بیٹا (beta) ورژن میں ابھی اس فیچر کی آزمائش کی جا رہی ہے،جب اسے مکمل طور پر متعارف کرایا جائے گا تو یہ فیچر واٹس چیٹ کو تبدیل کرکے رکھ دے گا۔
