میسجنگ ایپلیکیشن واٹس ایپ اپنے صارفین کی سہولت کو مد نظر رکھتے ہوئے ہر گزرتے دن کے ساتھ نت نئے فیچرز کے ذریعے اس ایپ کے استعمال کو بہتر سے بہتر بنارہا ہے۔
واٹس ایپ نے مزید ایک اور بہترین فیچر متعارف کرانے کے بعد صارفین کی خوشیوں میں اضافہ کردیا ہے۔
رپورٹ کے مطابق ایک نئے منفرد فیچر کو واٹس ایپ کے ویب ورژن کا حصہ بنایا جائے گا، جس کے سبب صارفین کو چیٹس آرگنائز کرنے میں مدد ملے گی۔
واٹس ایپ ویب کے بیٹا (beta) ورژن میں چیٹ فلٹرز نامی فیچر کی آزمائش کا عمل جاری ہے، اس کے علاوہ واٹس ایپ ویب کی فیڈ پر آل، ان ریڈ (unread)، کانٹیکٹس اور گروپس فلٹرز کا اضافہ کیا جا رہا ہے۔
اس فیچر سے صارفین کو بہت زیادہ سہولت ملے گی، مثال کے طور پر اگر وہ کسی وجہ سے کچھ میسجز دیکھ نہیں سکے تو ان ریڈ آپشن پر کلک کرکے ان میسجز کو دیکھ سکیں گے۔
اسی طرح اگر گروپس کے میسجز کو دیکھنے کی خواہش رکھتے ہیں تو گروپس فلٹر پر کلک کریں، پھر آپ کے سامنے صرف وہ میسجز ہوں گے جنہیں گروپس میں بھیجا گیا ہوگا۔
کوئی ویب سائٹ اگر غلطی سے بند ہوجائے تو کیا کریں؟
کانٹیکٹس کے آپشن پر کلک کرنے پر آپ کے سامنے صرف وہی میسجز نظر آئیں گے جو فون میں ایڈ کانٹیکٹس نے آپ کو ارسال کئے ہوں گے۔ تاہم حتمی طور پر ابھی کچھ نہیں کہا جاسکتا کہ یہ فیچر صارفین کو استعمال کے لئے کب فراہم کیا جائے گا۔
