پیغام رسانی کے لیے استعمال ہونے والی دنیا کی سب سے مقبول ایپلی کیشن واٹس ایپ نے ’اے آئی‘ سے منسلک زبردست فیچر متعارف کروانے کی تیاری کرلی۔
میٹا کی زیر ملکیت ایپلی کیشن واٹس ایپ کی جانب سے رواں سال نت نئے فیچر متعارف کروائے جاچکے ہیں جن کا مقصد ایپ پر صارفین کا اعتماد برقرار رکھنا، انہیں سہولیات فراہم کرنا اور دیگر ایپلی کیشنز پر سبقت لے جانے کا بھی شامل ہے۔
ویب بیٹا انفو کی رپورٹ کے مطابق اب واٹس ایپ کی جانب سے ’اے آئی‘ سے منسلک فیچر پر متعارف کروائے جارہا ہے جس پر کام شروع کردیا گیا ہے۔
اس فیچر کو ’چیٹ اینڈ ٹاک ود میٹا اے آئی‘ کا نام دیا گیا ہے۔
واٹس ایپ میں اس فیچر کا مقصد اے آئی کی مدد سے چیٹ اور بات کرنا شامل ہے تاکہ صازرف کے تعامل کو مزید تقوت مل سکے۔
واٹس ایپ نے اس فیچر پر کام شروع کردیا ہے اور امید ہے کہ اسے جلد متعارف کروایا جائے گا۔
علاوہ ازیں واٹس ایپ کی جانب سے ایک نئے سیکشن کی آزمائش کی جا رہی ہے جہاں صارفین اپنی پسندیدہ چیٹ تھیم کا انتخاب کرسکیں گے۔
مگر واٹس ایپ میں یہ فیچر انسٹا گرام اور میسنجر سے کسی حد تک مختلف نظر آتا ہے جن میں ڈیفالٹ چیٹ تھیم کا اطلاق خودکار طور پر تمام چیٹس پر ہوتا ہے۔
مگر واٹس ایپ میں اس حوالے سے مینوئل آپشن دیے جانے کا امکان ہے جس سے صارفین انفرادی چیٹس کو الگ شکل دے سکیں گے۔
یہ منفرد فیچر بہت جلد تمام صارفین کے لیے متعارف کرایا جاسکتا ہے۔
