بالی ووڈ کی باربی ڈول کترینا کیف نے اداکار عمران خان کو 20 تھپڑ مارنے کا انکشاف کیا ہے۔
بھارتی میڈیا کو دیے گئے حالیہ انٹرویو میں اداکارہ کترینا کیف نے فلم ’یرے برادر کی دلہن‘ کے سیٹ پر پیش آیا دلچسپ واقعہ بیان کیا۔
کترینا کیف نے بتایا کہ انہیں فلم کی شوٹنگ کے دوران مجھے عمران خان کو ایک خاص مقام پر تھپڑ مارنا تھا۔
اداکارہ نے کہا کہ آغاز میں وہ مایوس ہوگئیں کیونکہ وہ سین کو اچھے طریقے سے نہیں کرپارہی تھیں جس پر عمران نے مشورہ دیا کہ وہ سین کو حقیقی بنانے کے لیے اصلی تھپڑ ماریں۔
کترینا کیف کے مطابق اس سین کے لیے کئی ری ٹیک کیے گئے اور یوں میں نے عمران کو تقریباً 15 یا 16 تھپڑ ہی مارے تھے کہ عمران التجا کرنے لگے کہ مزید تھپڑ نہیں کھا سکتا۔
اداکارہ کے مطابق اس وقت تک فلم کے لیے سین شوٹ ہوچکا تھا۔
واضح رہے کہ فلم ’میرے برادر کی دلہن‘ 2011 میں ریلیز کی گئی تھی جس کی کاسٹ میں عمران خان، کترینا کیف، علی ظفر اور تارا ڈی سوز شامل تھیں۔
یاد رہے کہ عمران خان، مسٹر پرفیکشسنٹ عامر خان کے بھانجے ہیں اور انہوں نے 1988 میں بطور چائلڈ اسٹار فلم قیامت سے قیامت تک اور جو جیتا وہ سکندر میں اداکاری کی تھی۔
عمران کی فلموں میں جانے تو یا جانے ناں، کڈنیپ، لک، آئی ہیٹ لو اسٹوری، دہلی بیلی، میرے برادر کی دلہن، اک میں اور اک تو، مترو کی بجلی کا من ڈولا، ونس اپون آ ٹائم ان ممبئی دوبارہ، گوری تیرے پیار میں اور کٹی بٹی شامل ہیں۔
