بالی ووڈ اداکار اکشے کمار نے کرن جوہر کی فلم کا مذاق اڑا دیا جس کی ویڈیو وائرل ہورہی ہے۔
بھارتی میڈیا رپورٹس کے مطابق اداکار اکشے کمار نے ہدایت کار کرن جوہر کی فلم ’اے دل ہے مشکل‘ کا مذاق اڑایا، فلم میں رنبیر کپور اور سونم کپور نے مرکزی کردار نبھایا تھا۔
کرن جوہر نے ایوارڈ شو میں اکشے کمار سے پوچھا کہ ’آپ جب فلمیں دیکھتے ہیں تو رو پڑتے ہیں آخری فلم کونسی تھی جسے دیکھ کر آپ روئے تھے؟
اکشے کمار نے کہا کہ ’جی جو میں نے آخری فلم دیکھ کر میں رویا تھا وہ عامر خان کی دنگل تھی لیکن ہاں ایک رونے والی فلم دیکھنے کے بعد انسان ہنسنا چاہتا ہے پھر میں نے ایک کامیڈی فلم دیکھی ’اے دل ہے مشکل‘ وہ بہت کمال کی فلم تھی۔
اکشے کمار کا یہ کہنا تھا کہ ایوارڈ میں موجود رنویر سنگھ ودیگر اداکار بے اختیار مسکرا دیے۔
واضح رہے کہ کرن جوہر کی فلم ‘اے دل ہے مشکل‘ ایک رومانوی فلم تھی جس میں پاکستانی اداکار فواد خان نے بھی اداکاری کے جوہر دکھائے تھے۔
ویڈیو پر سوشل میڈیا صارفین نے بھی تبصرے کیے ایک صارف نے لکھا کہ ’اکی ہمیشہ عامر خان کی عزت کرتے ہیں۔‘ دوسرے صارف نے لکھا کہ اکشے اور سلمان ہمیشہ کرن جوہر کا مذاق اڑا دیتے ہیں۔
تیسرے صارف نے لکھا کہ ’اکشے نے مذاق کیا لیکن اے دل ہے مشکل ایک اچھی فلم تھی۔‘
