ملکہ برطانیہ الزبتھ دوم کے انتقال کے بعد شاہی تخت پر بیٹھنے والے بادشاہ چارلس کو اپنی تاجپوشی کے لیے آئندہ سال کا انتظار کرنا ہوگا۔

برطانوی اخبار کے مطابق شاہ چارلس کی تاجپوشی آئندہ برس 2 جون کو ہوگی، تقریب تاج پوشی کو انتہائی مختصر رکھا جائے گا اور اخراجات بھی کم کیے جائیں گے۔

رپورٹ کے مطابق تاجپوشی تقریب کی تمام تیاریوں کو آپریشن گولڈن اورب کا نام دیا گیا ہے، شاہ چارلس تاجپوشی کی تقریب سے ہی بادشاہت کا نیا انداز چاہتے ہیں۔

واضح رہے کہ ملکہ الزبتھ دوئم کے انتقال کے بعد شہزادہ چارلس فوری طور پر نئے بادشاہ بن چکے ہیں اور نئے بادشاہ بننے کے ساتھ دولت مشترکہ کے 14 ممالک کے سربراہ کی حیثیت سے فرائض سرانجام دیں گے۔

یہ بھی پڑھیں: ملکہ الزبتھ کے انتقال کے بعد نئے بادشاہ کون بن گئے؟

بادشاہ کے طور پر ذمے داری سنبھالنے کے بعد اپنے پہلے بیان میں کنگ نے کہا: "میری پیاری والدہ محترمہ ملکہ کی موت میرے اور میرے خاندان کے تمام افراد کے لیے سب سے دکھ بھرا لمحہ ہے، "ہم ایک پیاری خود مختار اور بہت پیار کرنے والی ماں کے انتقال پر گہرے صدمہ میں ہیں۔”