ریاض : حکام نے سعودی عرب کو ریلوے لائن کے ذریعے جی سی سی ممالک سے جوڑنے کا منصوبہ پیش کردیا۔
غیر ملکی خبر رساں ادارے کی رپورٹ کے مطابق خلیجی ریاست سعودی عرب اور خلیجی ریاستوں کو آپس میں ریلوے لائن کے ذریعے جوڑنے کے لیے سعودی وزیر ٹرانسپورٹ انجینیئر صالح الجاسر نے سعودی کمپنی پیکٹل کے ریجنل چیئرمین اسٹیوارڈ جان سے ملاقات کی ہے۔
اس ملاقات کے دوران جی سی سی میں شامل ممالک تقریباً پندرہ برس سے 1350 میل طویل ریلوے لائن قائم کرنے کےلیے بنائے گئے پروگرام پر تبادلہ خیال ہوا۔
میڈیا رپورٹس کے مطابق خلیجی ریاستوں کو ریلوے لائن سے جوڑنے والا منصوبہ 2023 تک مکمل ہوجائے گا جس کے بعد سعودی عرب، عمان، اور متحدہ عرب امارات کا ریلوے لائن کے ذریعے رابطہ قائم ہوجائے گا جبکہ اگلے مرحلے میں کویت اور بحرین کو بھی شامل کیا جائے گا جبکہ قطر کو آخر میں شامل کریں گے۔
Comments
- Advertisement -
