بالی وڈ اداکارہ نرگس فخری کو کسی بیماری نے اذیت میں مبتلا کردیا تھا کہ انھیں دنیا بھر کے ڈاکٹرز سے رجوع کرنا پڑا، اداکارہ نے ایک انٹرویو میں خود اس حوالے سے بات کی ہے۔
غیرملکی میڈیا رپورٹس کے مطابق اپنی بیماریوں اور ذاتی مسائل کے بارے میں بتاتے ہوئے نرگس نے کہا کہ کچھ عرصہ قبل انھیں ایک ایسا مرض لاحق ہوا کہ تھا کہ دنیا بھر کے ڈاکٹرز کو دکھانے پر بھی وہ ان کے مرض کی تشخیص نہیں کر پائے تھے۔
پہلی بار اپنے ذہنی مسائل، روڈ حادثے اور نجی زندگی پر بھی کھل کر بات کرتے ہوئے ان کا کہنا تھا کہ کورونا سے قبل وہ ذہنی بیماری ’اوبسیسو کمپلسیو ڈس آرڈر‘ میں مبتلا ہوگئی تھیں جس سے نکلنے میں دو سال کا وقت لگا۔
ان کا کہنا تھا کہ اپنی بیماری کے بعد دنیا بھر کے ڈاکٹروں سے چیک اپ کروایا لیکن وہ تشخیص نہ کرسکے، ڈاکٹرز سے سوالات کرنا شروع کیے تو پھر وہ ان کی بیماری کو پہچان گئے، اس بیماری میں انسان کی شخصیت تبدیل ہوجاتی ہے، زیادہ تر منفی خیالات آنے لگتے ہیں، وہ بلاوجہ خوف کا شکار رہنے سمیت دوسروں کے ساتھ نامناسب رویہ اختیار کرتا ہے۔
نرگس فخری کے مطابق وہ 4 کار حادثات کا شکار ہوچکی ہیں، جس میں ایک حادثہ انتہائی خطرناک تھا، جس میں ان کی گردن کو نقصان پہنچا تھا۔
واضح رہے کہ نرگس فخری کے والد پاکستانی جب کہ والد امریکی نژاد ہیں، ان کی پیدائش نیویارک میں ہوئی، ان کی والدہ کا آبائی تعلق یورپی ملک چیک ریپبلک سے ہے۔
