سرائیوو: آپ نے گھوڑوں اور اونٹوں کو تو رقص کرتے دیکھا ہوگا لیکن اب ایسا ریچھ بھی منظر عام پر آیا ہے جو ناصرف رقص بلکہ شائقین کو خوب تفریح بھی فراہم کرتا ہے۔
تفصیلات کے مطابق بوسینا کے ایک پارک میں رقص کرتے ریچھ نے دیکھنے والوں کو ورطہ حیرت میں مبتلا کردیا۔ ڈانس کرنے والے کتھئی بھالو کی ویڈیو وائرل ہوگئی، ویڈیو میں دیکھا جاسکتا ہے کہ جانور خوشگوار موڈ میں اپنے جسم ہلا رہا ہے جبکہ ارد گرد بچے اور والدین محظوظ ہورہے ہیں۔
غیرملکی میڈیا کا کہنا ہے کہ اس ریچھ کو خصوصی طور پر ڈانس سکھایا گیا ہے جبکہ شہریوں سے ملنے جلنے سمیت انہیں تفریح فراہم کرنے کی بھی ٹریننگ دی گئی ہے۔ خیال رہے کہ اکثر بھالو انسانوں کو دیکھ کر اپنی راہ بدل لیتے ہیں جبکہ کئی علاقوں میں ریچھوں کے انسانوں پر حملوں کے واقعات بھی ریکارڈ کیے گئے ہیں۔
واضح رہے کہ براؤن نسل کے ریچھ 25 سے 30 سال کی حیات پاتے ہیں، تاہم یورپ میں جانوروں کی غذائی قلت کے باعث ان کی عمریں 6 سے 7 سال تک ہی محدود ہوگئی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں