جمعرات, مئی 23, 2024
اشتہار

شہباز شریف کے وزیراعظم منتخب ہونے پر امریکا کا اہم بیان سامنے آگیا

اشتہار

حیرت انگیز

واشنگٹن : شہباز شریف کے وزیراعظم منتخب ہونے پر امریکا کا کہنا ہے کہ پاکستان میں کسی ایک سیاسی جماعت کی حمایت نہیں کرتے آئین کی پاسداری کے عمل کی حمایت کرتے ہیں۔

تفصیلات کے مطابق شہباز شریف کے وزیراعظم پاکستان منتخب ہونے پر وائٹ ہاؤس کی ترجمان جین ساکی نے بریفنگ دیتے ہوئے کہا کہ پاکستان میں کسی ایک سیاسی جماعت کی حمایت نہیں کرتے۔

جین ساکی سے صحافی نے سوال کیا کہ کیا جوبائیڈن شہباز شریف سے رابطہ کریں گے، جس پر جین ساکی نے جواب دیا کہ شہباز شریف کو بائیڈن کی کال کے بارے میں کچھ نہیں کہہ سکتی۔

- Advertisement -

ترجمان کا کہنا تھا کہ پاکستان میں آئین کی پاسداری کے عمل کی حمایت کرتے ہیں اور پاکستان کے ساتھ تعلقات کو اہمیت دیتے ہیں۔

جین ساکی نے مزید کہا کہ جمہوری خوشحال پاکستان امریکا کے مفاد میں ہے، نئی لیڈرشپ کیساتھ تعلقات جاری رکھیں گے۔

یاد رہے گذشتہ شہباز شریف پاکستان کے تئیس ویں وزیراعظم منتخب ہوئے تھے ، جس کے بعد عالمی سربراہان کی جانب سے مبارکباد کا سلسلہ جاری ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں