عالمی ادارہِ صحت نے بھارت کے تیار کردہ کھانسی کے دو سیرپ پر پابندی عائد کر دی ، پابندی بچوں کی اموات کے نتیجے میں لگائی گئی۔
تفصیلات کے مطابق بھارتی کمپنی کی دوائی سے ازبکستان اور گیمبیا میں بچوں کی ہلاکت کے بعد عالمی ادارہِ صحت نے بھارت کے تیار کردہ کھانسی کے دو سیرپ پر پابندی عائد کردی۔
عالمی ادارہِ صحت کا کہنا تھا کہ بھارتی سیرپ پر پابندی بچوں کی اموات کے نتیجے میں لگائی گئی ہے، ازبکستان اور گیمبیا میں بھارتی کمپنی کے خلاف تحقیقات جاری ہیں۔
اس سے قبل عالمی ادارہ صحت نے بھارتی دواؤں کو مضر صحت قرار دیتے ہوئے نے الرٹ جاری کرتے ہوئے کہا تھا کہ ان دواؤں میں ایسے کیمیکلز پائے گئے ہیں جو گردوں کو ناکارہ بنا دیتے ہیں۔
خیال رہے بھارتی سیرپ پینے سے ازبکستان میں انیس بچے جاں بحق ہو گئے تھے جبکہ گزشتہ برس اکتوبر میں افریقی ملک گیمبیا میں بھارتی کمپنی کے کھانسی کے شربت کے مبینہ استعمال سے چھیاسٹھ بچے ہلاک ہوگئے تھے۔
